Навукоўцы знайшлі сакрэт «замарожвання» старэння

Біялагічны гадзіннік можна паставіць на паўзу.

Кузуркі могуць утрымліваць ключ да запаволення біялагічнага старэння. Пра гэта сведчыць новае даследаванне Лестэрскага ўніверсітэта. Сярод іншага, навукоўцы выявілі, што восы могуць значна падоўжыць сваё жыццё, пераходзячы ў стан натуральнай паўзы развіцця, якую яшчэ называюць дыяпаўзай. Пра гэта піша Newsweek.

Вынікі даследавання сведчаць, што гэтая паўза запавольвае «эпігенетычны гадзіннік» – малекулярны маркер старэння, які адсочвае хімічныя змены ў ДНК. Восы з'яўляюцца новай мадэллю для даследаванняў старэння, бо, у параўнанні з іншымі кузуркамі, яны маюць функцыянальную сістэму метылявання ДНК, якая падобная на чалавечую.

Падчас эксперыменту высветлілася, што калі маткі зазналі ўздзеянне холаду і цемры, іх лічынкі ўваходзілі ў дыяпаўзу, фактычна націскаючы біялагічную «кнопку паўзы».

Вынікі ўразілі даследнікаў. Восы, якія прайшлі дыяпаўзу, жылі на траціну даўжэй у дарослым узросце. Іх малекулярныя маркеры старэння працавалі на 29% павольней, чым у восаў, якія развіваліся звычайна.

«Звычайна мы думаем пра старэнне як пра павольнае разбурэнне жыцця, як пра ровар, які ржавее пад дажджом. Але нашае даследаванне намякае, што старэнне можа быць больш падобным на дрэнна спланаванае падарожжа, з кантрольнымі кропкамі, якія можна фактычна адкласці. Калі малюсенькая аса можа націснуць на паўзу свайго біялагічнага гадзінніка, упадаючы ў стан спакою, магчыма, ёсць спосабы зрабіць нешта падобнае ў больш складаных жывёлаў. Гэта яшчэ рана, але гэта, безумоўна, дае падставу для разважанняў, асабліва калі вы спадзеяцеся старэць крыху больш годна», – падкрэсліў аўтар даследавання Эамон Малон у электронным лісце Newsweek.

Доказы даследавання пра тое, што эпігенетычны гадзіннік можна запаволіць, павялічваюць верагоднасць таго, што чыннікі навакольнага асяроддзя ці медыцынскія ўмяшанні могуць аднойчы запаволіць біялагічнае старэнне ў людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]