У Анкарыджы на Алясцы праходзіць вялікі мітынг у падтрымку Украіны
17- 15.08.2025, 7:57
- 20,844
Удзельнікі скандуюць сімвалічны лозунг.
Напярэдадні саміту прэзідэнтаў ЗША Дональда Трампа і Расеі Уладзіміра Пуціна, у горадзе Анкарыджы праходзіць вялікі мітынг у падтрымку Украіны.
Пра гэта паведамляе РБК-Украіна са спасылкай на былога карэспандэнта «Голаса Амерыкі» Астапа Ярыша ў сацсетцы Х.
Дарэчы, ён апублікаваў відэа актыўнасці мітынгоўцаў.
«Украіна і Аляска - ніколі больш у Расеі», - скандуюць удзельнікі акцыі.
🇺🇸🇺🇦 Happening right now: a big pro-Ukrainian rally in Anchorage ahead of the Trump-Putin meeting. “Ukraine and Alaska — Russian never again.” pic.twitter.com/Zx2VKVYW9G
— Ostap Yarysh (@OstapYarysh) August 15, 2025
Мітынгоўцы таксама разгарнулі вялікі жоўта-блакітны сцяг.
Аляска без дыктатараў
Кіраўніца грамадскай арганізацыі Stand Up Alaska Эрын Джэксан-Хіл раней заявіла агенцтву Укрінфарм, што 14 жніўня ў цэнтры Анкарыджа яна са сваімі аднадумцамі правядзе мітынг пад лозунгам «Аляска падтрымлівае Украіну».
«Мы супраць таго, каб аўтарытарных дыктатараў запрашалі ў наш штат, асабліва калі гэта робіць не наш губернатар і не нашыя прадстаўнікі ў Кангрэсе. Ён (Пуцін. - рэд.) - ваенны злачынец, і яму няма месца на амерыканскай зямлі», - адзначыла Джэксан-Хіл.
Тым часам мясцовая паліцыя актыўна ўзмацняе захады бяспекі на фоне дэманстрацый у горадзе і прыцягвае дадатковых супрацоўнікаў для аховы правапарадку.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
