Міністр фінансаў ЗША: Еўропа павінна дзейнічаць

Еўрапейскія краіны павінны быць гатовыя падтрымаць увядзенне больш высокіх тарыфаў супраць РФ.

Міністр фінансаў ЗША Скот Бесэнт заявіў, што для Еўропы настаў час «альбо дзейнічаць, або замаўчаць» у пытанні санкцый супраць Расеі. Паводле ягоных словаў, еўрапейскія краіны павінны быць гатовыя падтрымаць увядзенне больш высокіх тарыфаў супраць Кітая і іншых дзяржаваў, якія набываюць расейскія энэргарэсурсы, піша Bloomberg (пераклад – сайт Charter97.org).

Бесэнт адзначыў, што санкцыі супраць Расеі могуць быць як узмоцненыя, так і аслабленыя ў залежнасці ад зыходу сустрэчы прэзідэнта ЗША Дональда Трампа з Пуціным, запланаванай на пятніцу. Аднак ён падкрэсліў, што Еўропа павінна падтрымаць жорсткія захады незалежна ад выніку перамоваў.

«Еўрапейцы павінны далучыцца да нас у гэтых санкцыях. Яны абавязаныя гэта зрабіць, – заявіў Бесэнт. – Мы ўвялі другасныя тарыфы супраць Індыі за набыццё расейскай нафты, і калі справы пойдуць дрэнна, тарыфы могуць быць павялічаныя».

З пачатку ўварвання Расеі ва Украіну ў лютым 2022 года ЗША, ЕЗ, Японія і шэраг іншых краінаў увялі маштабныя абмежаванні, а ў ліпені Еўразвяз зацвердзіў ужо 18-ы пакет санкцый. Аднак Бесэнт мае на ўвазе не толькі прамыя забароны, але і палітыку «другасных тарыфаў».

Трамп ужо павысіў мыты на індыйскія тавары з 25% да 50% у адказ на набыццё расейскай нафты. На чэрвеньскім саміце G7 у Канадзе Бесэнт прапанаваў увесці 200%-выя тарыфы супраць Кітая, але, паводле ягоных словаў, еўрапейскія лідары адрэагавалі на гэта без энтузіязму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]