Sony цалкам сышла з Расеі

Кампанія закрыла ўсе праекты, далучыўшыся да санкцый супраць Крамля.

Японскі транснацыянальны тэхнагігант Sony канчаткова згарнуў працу ў Расеі, ліквідаваўшы мясцовае падраздзяленне. Кампанія «Соні Мобайл Камюнікейшнз Рус» спыніла існаванне 11 жніўня, вынікае з звестак ЕГРЮЛ. За некалькі дзён да гэтага ёй споўнілася 18 гадоў. Дакументы для ліквідацыі былі пададзеныя ў Федэральную падатковую службу 10 кастрычніка 2024 года. Да гэтага Sony спрабавала знішчыць сваё прадстаўніцтва ў 2023 годзе, але ёй адмовілі. У апошнія гады «дачка» кампаніі распрадавала рэшткі тавараў і займалася сэрвіснай падтрымкай прыладаў, паведамляе The Moscow Times.

Sony пастанавіла сысці з Расеі пасля яе ўварвання ва Украіну і ў ліку першых падтрымала санкцыі. У сакавіку 2022 былі спыненыя пастаўкі кансоляў і спыненая праца PlayStation Store. Адначасова кампанія ахвяравала $2 млн на падтрымку пацярпелых ад вайны украінцаў праз ААН і Save the Children. Таксама ўвесну Sony Pictures Entertainment абвясціла пра спыненне паказаў сваіх фільмаў у Расеі. Услед за гэтым спыніла дзейнасць Sony Music, канчатковы сыход якой адбыўся 8 верасня 2022 г.: замежныя каталогі былі выдаленыя з расейскіх стрымінг-сэрвісаў, а мясцовае падраздзяленне стала незалежным лэйблам пад назвай Kiss Koala, пазней перайменаваным у Koala Music. У лютым 2024 года Sony пачала зачыняць свае фірмовыя крамы ў Расеі праз спыненне паставак, працэс закончыўся да лета.

Да вайны бізнэс карпарацыі ў РФ быў прыбытковым. Пасля запуску працэдуры сыходу справы чакана пайшлі на спад. У 2022 годзе чыстая страта склала 1,43 млрд рублёў, у 2023-м – 530,2 млн рублёў. Летась расейскае падраздзяленне Sony зноў атрымала прыбытак – 111,7 млн рублёў. Аднак выручка знізілася прыкладна на 76 адсоткаў, а прыбытак паступаў толькі ад гарантыйнага абслугоўвання і адміністрацыйнай падтрымкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]