Беларускіх камбайнераў падманулі

Такіх маленькіх выплат яшчэ не было.

Чыноўнікі райвыканкамаў Гомельскай вобласці выехалі ў палі, каб засвяціцца на традыцыйнай «бітве за ўраджай» і павіншаваць першых камбайнераў, якія намалацілі больш за 1 тысячу тон збожжа, а таксама кіроўцаў-«тысячнікаў».

У афіцыйных справаздачах гаворыцца аб уручэнні перадавікам жніва дыпломаў, бытавой тэхнікі і грашовых сертыфікатаў, але нідзе не называецца сума прэміі. Затое яе заўважыў «Флагшток» на некаторых здымках.

Настолькі маленькая сума раней не сустракалася - магчыма, таму газеты райвыканкамаў пра яе сціпла змаўчалі. Чыноўнікі ўручылі «тысячнікам» сертыфікаты ўсяго на 50 рублёў, як відаць на фота з Чачэрскага раёна.

У іншых рэгіёнах Беларусі сумы прыкметна вышэйшыя - ад 100 да 200 рублёў, як і летась. Напрыклад, у Клецкім раёне Менскай вобласці ў 2024 годзе перадавікам уручалі сертыфікаты на суму 200 рублёў.

Што тычыцца падоранай бытавой тэхнікі перадавікам жніва ў Гомельскай вобласці, то гэта зусім не ВК-тэлевізары, як у некаторых іншых рэгіёнах. На асобных фота бачна, што «тысячнікі» на Гомельшчыне атрымалі прасы, блэндэры, некаторыя — мультываркі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]