«А як жа санкцыі супраць Машэнскага?»

Беларуску здзівіў асартымент у балгарскім супермаркеце.

Паехалі мы з мужам адпачываць у Балгарыю, - піша ў рэдакцыю Charter97.org пастаянная чытачка. Даўней бы селі на самалёт у Менску і праз 2 гадзіны былі б ужо на месцы. Але ж для нас дзейнічаюць санкцыі, хоць мы ні на якія палітычныя працэсы ўплываць аніяк не можам. Таму, каб дапяць да мора, прыкладаем да халеры намаганняў. Але ўрэшце далятаем. Толькі не за 2 гадзіны, а за 2 дні.

Адпачываць заўсёды прыемна: папесціцца на сонейку, пагушкацца на хвалях, пахадзіць па кавярнях, ведама ж, заняцца закупамі.

Ну дык вось, пайшлі мы ў Сазопалі ў краму. І ад здзіўлення я ажно акуляры надзела: не мне не падалося, я дакладна ўсё ўбачыла і без іх — на паліцах крамы стаяць селядцы “Санта Брэмар”. А як жа санкцыі супраць Машэнскага? Ці гэта на паперы санкцыі?

Ідзём далей, а здзіўленню нашаму канца няма: на паліцах малочных вырабаў знаходзім ёгурты, тваражкі – выраб “Савушкін прадукт”.

Таму і не дзіва, што нічога ў нашым каралеўстве не мяняецца. Бо ўсе гэтыя санкцыі толькі на паперы, ды для простых людзей.

А Машэнскі як быў партманэтам Лукашэнкі, так і застаўся ім.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]