Надвор'е ў Беларусі прадаўжае дзіваваць
3- 6.07.2025, 20:40
- 12,970
З'явіўся прагноз на 7-13 ліпеня.
Кантрасны тэмпературны фон - так на мове сіноптыкаў выказаўся Дзмітрый Рабаў аб надвор'і з 7 да 13 ліпеня. Калі коратка і проста: на тыдні будзе ад 17 да 27°C, дажджы зноў нагадаюць пра сябе.
Ліпень 2025-га пакуль не радуе. Другі тыдзень месяца таксама наўрад ці палепшыць настрой беларусаў.
Надвор'е на пачатку тыдня
У панядзелак, 7 ліпеня, у Беларусь вернуцца дажджы. Ёсць вялікая імавернасць навальніц. Вецер будзе сярэдні, часам парывісты.
Уначы ад 9 да 14 цяпла. Сёння ў панядзелак ад 17 на поўначы да 27°C на паўднёвым усходзе. У аўторак, 8 ліпеня, зноў абяцаюць ападкі і разбежку ў тэмпературы - ад 18 у Гародні да 26°C у Гомелі.
Надвор'е ў сярэдзіне тыдня
У сераду, 9 ліпеня, спёка не пагражае нікому. Сіноптык абяцае кароткачасовыя дажджы. Уначы ад 11 да 17 цяпла, у дзённы час ад 17 да 23°C.
У чацвер, 19 ліпеня, таксама чакаем дажджы. Але будзе крыху цяплей. Слупок тэрмометра ўсюды паднімецца вышэй за 20°C. У пятніцу максімум - 24°C.
Надвор'е ў выходныя
І тут няма добрых навін. Адпачыць на беразе вадаёмаў наўрад ці атрымаецца.
Паводле папярэдніх прагнозаў, у суботу і нядзелю захаваецца невялікая няўстойлівасць у атмасферы - пераменная воблачнасць, пройдуць лакальныя кароткачасовыя дажджы, вялікая магчымасць навальніц.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
