«Лукашэнка павялічвае рызыку ўцягвання краіны ў гарачы канфлікт»

Навошта дыктатару «Арэшнік»?

Кіраўнік Беларусі чарговы раз анансаваў з’яўленьне расейскага ракетнага комплексу “Арэшнік” у нашай краіне. З ягоных слоў, гэта адбудзецца ўжо сёлета.

На думку гісторыка Аляксандра Фрыдмана, якую ён выказаў “Обычному утру», у Лукашэнкі дваякая матывацыя размяшчэння “Арэшніка”.

- З аднаго боку, гэта прэстыж, узмацненне яго пазіцый. З іншага - ён сам фігура ў вялікай расейскай геапалітычнай гульні. Камбінацыя складаная.

Зробім крок назад: калі б у Ірана ўжо была ядравая зброя і магчымасць яе прымяніць, то ўдару па Іране, хутчэй за ўсё, не было б - як не ідуць удары па Паўночнай Карэі. Паўночная Карэя стала ядравай дзяржавай, і Трамп, нягледзячы на пагрозы, нічога не змог зрабіць, - тлумачыць Аляксандр Фрыдман.

Але ёсць і іншы бок. Вайна ва Украіне паказвае, што ядравы парасон - не стоадсоткавая гарантыя.

- Расея - ядравая дзяржава, Украіна - не, але Украіна наносіць удары па расейскай тэрыторыі, а ядравага адказу няма, - тлумачыць аналітык. - Магчыма, пасля ўсіх гэтых войн стаўленне да ядравай зброі як да стрымліваючага чынніка зменіцца.

Але факт застаецца фактам: узмацняючы мілітарызацыю Беларусі і яе залежнасць ад Расеі, Лукашэнка павялічвае рызыку ўцягвання краіны ў канфлікт - не толькі ў "халодным" фармаце (інфраструктура, падтрымка ваеннай эканомікі), але і ў "гарачым".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com