Якія вясковыя хаты прадаюць у Беларусі з аўкцыёну

Варыянты лецішча за адну базавую.

У Беларусі вялізная колькасць старых вясковых хатаў, якія сельсаветы аддаюць практычна дарма.

Плаці адну базавую і заязджай, аднак ёсць і іншы тып нерухомасці.

За гэтыя хаткі давядзецца пазмагацца, бо іх прадаюць з аўкцыёну. Такія хаты патрабуюць мінімальных укладанняў, але ў чым яшчэ іх вартасць? Realt вывучыў варыянты.

Смоўжы, Слонімскі раён, 217 км. ад МКАД

Ад Менска, вядома, далекавата, але месцы тут вельмі маляўнічыя - лес, рэчка і возера пад бокам. Вёска тупіковая, але яшчэ “жывая”.

Тут прапануем звярнуць увагу на хату з нумарам 30: прасторная (81,3 м2), з верандай, Хата яшчэ ў някепскім стане. Надзел 20 сотак, ёсць хлявы, гараж і сад.

Патаргавацца за хату можна будзе на аўкцыёне 29 ліпеня 2025 года.

Пачатковы кошт – Br42. Дадатковую інфармацыю атрымаеце ў Міжэвіцкім сельвыканкаме па тэлефоне 8015 625 32 71.

Добрае, Лагойскі раён, 76 км. ад МКАД

А гэта ўжо варыянт бліжэйшы - жылая вёска за Плешчаніцамі, на ўскрайку густога лесу. Большая частка шляху - па трасе М-3.

Хата знаходзіцца на вуліцы Падлесная, 8. Яна кампактная, 27 "квадратаў", надзел 15 сотак.

Войштавічы, Валожынскі раён, 95 км. ад МКАД.

Вёска ў Валожынскім раёне, побач з чыгункай.

Дакладны адрас хаты не паказаны, але знайсці яе можна па яркім фасадзе і сіняй студні. Хатка невялікая, 30 м2. Памер надзелу - 25 сотак. Прадаецца праз аўкцыён, пачатковы кошт - Br42.

Дата правядзення таргоў - 7 ліпеня 2025 года. Больш інфармацыі паведамяць у Вішнеўскім сельвыканкаме па тэлефоне 8033 352 48 99.

Пасінічы, Слонімскі раён, 202 км. ад МКАД.

Вёска ў адну вуліцу побач з трасай Слонім - Ружаны.

Хата нумар 49 на вуліцы Цэнтральнай пустая. Варта адзначыць, што візуальна захавалася яна добра, яшчэ нават платы і гаспадарчыя пабудовы цэлыя.

Плошча хаты - 70 м2, знос - 65%.Пабудаваная амаль 100 год таму.

Набыць яе можна будзе толькі праз аўкцыён, які адбудзецца 24 ліпеня 2025 года. Пачатковы кошт - Br42. Падрабязнасці ў Азгінавіцкім сельвыканкаме па тэлефоне 8015 622 02 66.

Бараўцы, Вілейскі раён, 97 км ад МКАД

Сюды варта зазірнуць - добрая дарога, вакол лес, Вілейскае вадасховішча недалёка. Вёска жывая, ёсць нават крама.

Патрэбны нам адрас - вуліца Першамайская, 107. Тут на 15 сотках знаходзіцца пустая хата на 66 "квадратаў" з мінімальным зносам - 35%.

Напэўна, таму і прадаецца не за дзве базавыя, а праз аўкцыён з пачатковым коштам Br6893.

Калі надумаеце пагандлявацца за яе, то званіце ў Нарачанскі сельвыканкам па нумары 8017 714 82 36.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com