На эміграцыі памёр беларускі актор Андрэй Бардухаеў

Яму было 49 гадоў.

Сёння, 5 ліпеня пасля доўгай хваробы памёр беларускі актор Андрэй Бардухаеў (Андрэй Бардухаеў-Арол). Пра гэта на сваёй старонцы ў фейсбуке паведаміў актор Ігар Сігоў.

«Сёння здарылася вялікая беда – пасля доўгай хваробы нас пакінуў наш сябра, таленавіты артыст Андрэй Бардухаеў. Доўгі час Андрэй і ягоная сям'я амаль нікому не расказвалі пра хваробу, спадзеючыся справіцца самастойна і калісьці падзяліцца радаснай навіной пра перамогу над цяжкім дыягназам. На жаль, цуду не адбылося…» – напісаў Сігаў.

На сваёй старонцы ў Фэйсбуку ён размясціў рэквізіты, на якія папрасіў аказаць дапамогу сям'і нябожчыка. Гэта нумар для пераводу (BLIK): +48796525441

Андрэй Бардухаеў нарадзіўся ў 1976 годзе. Працаваў на кінастудыі «Беларусьфільм» памочнікам рэжысёра, на беларускай тэлевізіі вядоўцам праграмы «Арт-кафэ». З 2001 года – актор беларускіх і расейскіх антрэпрызаў. У 2006–2011 гадах – актор Гомельскага маладзёвага тэатра. У 2011–2016 гадах – актор Гомельскага абласнога драматычнага тэатра. У 2016-м разам з жонкай Алесяй заснаваў TEAM THEATRE, мастацкім кіраўніком якога ён стаў.

Пасля падзеяў 2020 года сям'я была вымушаная з'ехаць на эміграцыю і выступала ў Польшчы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com