«Усё абсыпана нейкімі дробкамі падпаленымі»

Гамяльчук паскардзіўся на гарачы попел, які ляцеў на галовы пасля феерверку 3 ліпеня.

Выданне «Флагшток» апублікавала відэа мужчыны, які назіраў за феерверкам на плошчы Леніна ў Гомелі. Мужчына паскардзіўся, што падчас імпрэзы на гледачоў сыпаліся гарачыя часцінкі.

– Проста пасля салюту ляціць попел, і ўсе стаяць, і ўсе стаяць абсыпаныя. Проста першы раз такое: усе рукі, усё абсыпана нейкімі дробкамі падпаленымі, – кажа мужчына.

– І калі ў акулярах і паднімаеш галаву ўверх, то акуляры як быццам абараняюць. А калі без акуляраў, то як глядзець, калі шалёныя крошкі на цябе сыплюцца? Карацей, у гэты раз яны нешта або занізка яго запускалі. Або... Не ведаю, першы раз такое, – дзеліцца ўражаннямі жыхар абласнога цэнтра.

Гамяльчук адзначае, што супрацоўнікі МНС папярэдне накрылі аўтамабілі каля месца пуску феерверку спецыяльнай абаронай.

– Цяпер зразумела, чаму, – адзначае ён.

Салют у Гомелі праходзіў з шасці пунктаў і стартаваў а 23-й.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com