За паўгады колькасць беларусаў з часовым відам на жыхарства ў Літве зменшылася на 5,2 тысячы

Адпаведную статыстыку апублікаваў Дэпартамент міграцыі Літвы.

Паводле стану 1 ліпеня 2025 года пасведчанне на права жыхарства ў Літве мелі 52 287 грамадзян Беларусі. Гэта на 5224 чалавекі менш, чым было ў пачатку года. А ў параўнанні з 1 студзенем 2024 года колькасць беларусаў з літоўскім часовым дазволам скарацілася на 9880 чалавек. Адпаведную статыстыку апублікаваў Дэпартамент міграцыі Літвы, перадае "Еўрарадыё".

Большасць беларусаў у Літве (48 162 чалавекі) мелі на 1 ліпеня часовы від на жыхарства, 3908 чалавек — пастаянны від на жыхарства, яшчэ 142 былі часовымі, а 75 — пастаяннымі рэзідэнтамі ЕЗ.

Сярод іншаземцаў, якія атрымалі дазвол на пражыванне на падставе высокай кваліфікацыі, беларусы склалі самую вялікую групу - 3275 чалавек. Увогуле такія дазволы ў Літве маюць амаль 5,5 тыс. чалавек. Як правіла, іх выдаюць айцішнікам.

36798 беларусаў атрымалі часовы дазвол на падставе працы. Гэта самая вялікая колькасць сярод замежнікаў у Літве.

З гуманітарных прычын часовы побыт атрымалі 1068 беларусаў, дзеля ўз'яднання сям'і - 5161, а дзеля навучання - 951 грамадзянін нашай краіны.

Самай шматлікай групай уладальнікаў часовага віду на жыхарства ў Літве 1 ліпеня былі ўкраінцы - 75 085 чалавек. Беларусы займаюць другое месца, на трэцім месцы ідуць расейцы (14 360).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com