Украіна правяла восьмы этап абмену палоннымі з РФ

Ва Украіну вярнуліся зніклыя без вестак і асуджаныя да вялікіх тэрмінаў.

Украіна і Расея правялі чарговы этап абмену палоннымі. Ён стаў восьмым у межах чэрвеньскіх дамоўленасцяў у Стамбуле.

- Нашы людзі дома. Большасць з іх знаходзіліся ў расейскім палоне яшчэ з 2022 года, - паведаміў прэзідэнт Украіны Уладзімір Зяленскі.

Паводле яго слоў, сёння вяртаюцца вайскоўцы, якія абаранялі Украіну ў розных рэгіёнах: Данецкая і Марыўпальская, Луганская, Харкаўская, Херсонская вобласці. Гэта прадстаўнікі Узброеных Сіл, Нацыянальнай гвардыі, Дзяржаўнай памежнай службы, Дзяржаўнай спецыяльнай службы транспарту.

А таксама цывільныя асобы.

Упаўнаважаны Вярхоўнай Рады Украіны ў правах чалавека Дзмітрый Лубінец удакладніў асаблівасць гэтага абмену.

- Асаблівасць гэтага абмену ў тым, што ўдалося вярнуць абаронцаў, якіх Расея прысудзіла да працяглых тэрмінаў зняволення.

Таксама дадому вяртаюцца і вайскоўцы, якіх прызналі зніклымі без вестак. Сярод вернутых ёсць афіцэры.

- Гэты абмен - вынік маштабнай працы дзяржаўных органаў, якія ўваходзяць у склад Каардштаба ў пытаннях абыходжання з ваеннапалоннымі. Працэс працягваецца з даручэння Прэзідэнта Украіны, - удакладніў Лубінец.

Самаму маладому вызваленаму абаронцу споўнілася ўсяго 20 гадоў. Найстарэйшаму - 59 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com