Дачнікі пад Гародняй заўважылі незвычайнага госця

Відэа.

Пад Гародняй заўважылі вельмі прыгожых і даволі рэдкіх птушак. Падрабязнасці расказвае партал NewGrodno.

Жыхары вёскі Навасёлкі, што стаіць у лесе за Азёрамі на беразе Котры, звярнулі ўвагу на незвычайных візіцёраў.

У двары спраўна шпацыравалі і нешта шукалі ў траве тры птушачкі з яскравым знешнім выглядам: яркае апярэнне, чубок на галаве і незвычайная доўгая дзюба.

Птушкі з першага погляду здаюцца экзатычнымі. Але гэта звыклы для Беларусі ўдод.

Птушка сапраўды вельмі прыгожая і незвычайная. Вылучаецца яна не толькі вонкавым выглядам: ні з чым не зблытаць і гукі, якія выдае ўдод. Яны нагадваюць хутка паўтаранае «у-пуп».

Удод, дарэчы, часта селіцца побач з чалавекам, але вось заўважыць яго не вельмі проста. Птушка гэтая ўтойлівая. Адзначым і харчовы рацыён удода, ён, да прыкладу, з задавальненнем есць усялякіх «шкодных» для дачнікаў і агароднікаў кузурак, у тым ліку і тых самых мядзведак.

Нагадаем, у далёкім ужо 2013 годзе ўдод быў прызнаны птушкай года ў Беларусі. Тады ў краіне налічвалася блізу 20 тыс. параў гэтай прыгожай птушкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]