Акупанты пазбавілі жыхароў Крыма бензіну

Назіраецца таксама востры дэфіцыт дызельнага паліва.

У часова акупаваным Крыме ў апошнія дні назіраецца востры дэфіцыт бензіну і дызельнага паліва.

Пра гэта на сваёй старонцы ў Facebook паведаміў цэнтр нацыянальнага супраціву Украіны.

Са звестак ЦНС, афіцыйна ў Крыме на АЗС ёсць паліва, але каля калонак вісяць шыльды, якія паведамляюць, што напраўду бензіну няма.

Гэта наступствы таго, што ў Расеі забаранілі нібыта часова экспарт бензіну для «стабілізацыі сітуацыі на ўнутраным рынку».

Цэнтр нацыянальнага супраціву Украіны падкрэсліў, што жыхары часова акупаванага Крыма не важныя для акупацыйнай адміністрацыі, бо бензін накіроўваюць у цэнтральныя рэгіёны РФ.

Крым для Крамля - гэта толькі часова карысная тэрыторыя. У РФ забаранілі імпартаваць бензін нібыта да 31 жніўня 2025 года. Мяркуецца, што гэта дапаможа пазбегнуць яго дэфіцыту на ўнутраным рынку і стабілізуе цэны.

Некаторыя экспэрты мяркуюць, што дэфіцыт паліва ў РФ узнік у выніку эканамічных санкцый, якія краіны Захаду ўвялі праз поўнамаштабнае ўварванне расейскіх акупацыйных войскаў ва Украіну.

Гэта пацвердзіў міністр энэргетыкі РФ Сяргей Цывілеў, які раней заявіў, што праз санкцыі расейскія нафтавыя кампаніі маюць праблемы з рамонтам нафтаперапрацоўчых заводаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]