«Сачы за словамі»: Трамп рэзка адказаў Мядзведзеву

Амерыканскі лідар зневажальна ўспомніў пра палітычнае мінулае апанента.

Прэзідэнт ЗША Дональд Трамп жорстка адрэагаваў на пагрозы вайной з боку намесніка старшыні Рады бяспекі Расеі Дзмітрыя Мядзведзева. Амерыканскі лідар папярэдзіў яго, што падобныя заявы небяспечныя.

Пра гэта Трамп напісаў у Truth Social.

Адказваючы Мядзведзеву Трамп заявіў, што ЗША не цікавіць эканамічнае супрацоўніцтва з Расеяй ці Індыяй, назваўшы іх эканомікі «мёртвымі».

«Мне абыякава, што Індыя робіць з Расеяй. Яны могуць разам знішчыць свае мёртвыя эканомікі, мне ўсё адно. Мы амаль не вядзём бізнэсу з Індыяй, іх тарыфы занадта высокія, адны з самых высокіх у свеце. Гэтак жа Расея і ЗША амаль не вядуць бізнэсу паміж сабой», - заявіў прэзідэнт.

А таксама амерыканскі лідар зневажальна ўспомніў пра палітычнае мінулае Мядзведзева.

«Давайце так і пакінем, і перадайце Мядзведзеву, былому прэзідэнту Расеі, які лічыць сябе ўсё яшчэ прэзідэнтам, каб ён сачыў за сваімі словамі. Ён уступае на вельмі небяспечную тэрыторыю!»,- рэзюмаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]