«Ракета прайшла праз усе дзевяць паверхаў»

Паказаны наступствы ўдару РФ па Кіеве.

Расейскія акупанты ўночы 17 чэрвеня ўдарылі па Кіеве дронамі і ракетамі. У выніку гэтага дзясяткі мірных жыхароў пацярпелі.

Пра гэта на месцы расейскага ўдару па шматпавярховіку ў Саломенскім раёне заявіў міністр унутраных спраў Украіны Ігар Кліменка, паведамляе РБК-Украіна.

Пацярпелыя і загінулыя

Са слоў кіраўніка МУС, у Кіеве 27 лакацый, якія атакаваў вораг. Там працуе блізу 2 тысяч чалавек, у першую чаргу гэта ратавальнікі, паліцыя, камунальныя службы і лекары.

«Цяпер мы можам пацвердзіць 40 пацярпелых, адзін загінулы. Але цяпер паступае інфармацыя што з адной лакацыі - жылы дом у нас ёсць, шмат загінулых, будзе пацвярджэнне праз 10 хвілін», - дадаў міністр.

Удар па дзевяціпавярховіку

Таксама ён удакладніў, што акупанты, з папярэдніх звестак, ударылі балістыкай па дзевяціпавярховіку ў Саломенскім раёне.

«Удар быў настолькі моцны, што ракета прайшла праз усе дзевяць паверхаў», - дадаў міністр.

Паводле яго, пошукава-выратавальныя працы ўжо пачаліся. Такія працы могуць працягнуцца дзень.

Абноўлена 07:43

Міністр унутраных спраў удакладніў, што ў Кіеве праз атаку Расеі загінулі 14 чалавек. Яшчэ 44 - пацярпелі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com