ЗША засмуцілі Кім Чэн Ына

Прадстаўнік Пентагона пракаментаваў інфармацыю аб вывадзе амерыканскіх войскаў з Паўднёвай Карэі.

Прадстаўнік Пентагона Шон Парнэл назваў непраўдзівымі паведамленні аб тым, што адміністрацыя прэзідэнта ЗША Дональда Трампа рыхтуецца прыняць пастанову аб вывадзе некалькіх тысяч амерыканскіх войскаў з Паўднёвай Карэі.

Парнэл заявіў, што "паведамленні аб тым, што Міністэрства абароны скароціць колькасць амерыканскіх войскаў у Рэспубліцы Карэя (Паўднёвая Карэя), не адпавядаюць рэчаіснасці".

"Любы, хто асвятляў дзейнасць Пентагона, ведае, што мы заўсёды пераглядаем размяшчэнне войскаў", – адзначыў Шон Парнэл.

Пры гэтым ён падкрэсліў, што ЗША застаюцца поўнасцю адданымі Паўднёвай Карэі. Хаўрус з гэтай краінай - непахісны.

Газета Wall Street Journal (WSJ) раней паведаміла, што адміністрацыя Трампа разглядае магчымасць вываду тысяч амерыканскіх вайскоўцаў з Паўднёвай Карэі.

Паводле звестак крыніц, з якімі звязвалася выданне, адзін з варыянтаў, якія распрацоўваюцца Пентагонам, прадугледжвае вывад блізу 4 500 вайскоўцаў з наступным іх размяшчэннем у іншых раёнах Інда-Ціхаакіянскага рэгіёна, у прыватнасці на востраве Гуам.

З моманту першага тэрміна прэзідэнцтва Дональд Трамп неаднаразова ставіў пытанне аб пераглядзе прысутнасці амерыканскага вайсковага кантынгенту ў Паўднёвай Карэі. Цяпер у рэгіёне знаходзіцца амаль 28500 амерыканскіх жаўнераў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com