У Беларусі маюць намер увесці змены ў выдачы крэдытаў насельніцтву
2- 19.05.2025, 11:22
- 6,156
Каго яны закрануць?
У Беларусі маюць намер увесці змены ў выдачу крэдытаў насельніцтву. Рыхтуецца адпаведны законапраект.
Законапраектам хочуць індывідуальным прадпрымальнікам і юрыдычным асобам, якія не займаюцца мікрафінансавай дзейнасцю, забараніць выдаваць крэдыты фізічным асобам. Выключэнне маюць намер зрабіць для пазык, якія наймальнікі выдаюць сваім работнікам.
Таксама лукашысты плануюць увесці забарону на выдачу пазык пад заклад адзінага жылога дома або кватэры.
«Забараняецца выкарыстанне ў рэкламе рэкламадаўцаў, якія не з'яўляюцца мікрафінансавымі арганізацыямі, у тым ліку ў іх назвах, слоў «пазыка», «мікрпзаем», «мікрафінансаванне», «грошы ў пазыку» або вытворных ад гэтых слоў», — паведамляюць у парламенце пра яшчэ адно магчымае новаўвядзенне.
Што могуць змяніць для тых, хто пазычае ў іншых людзей
У законапраекце таксама прапісалі забарона на тое, каб у дамовах пазыкі паміж фізічнымі асобамі сумы прапісвалі ў замежнай валюце. Гэта патрабаванне не тычыцца ІП. Яшчэ адно выключэнне - пагаднення паміж блізкімі сваякамі. Гэта сярод іншага муж і жонка, бацькі, дзеці, родныя браты і сёстры, бабулі і дзядулі.
Прасцей кажучы, калі вы дасце ў пазыку каму-небудзь са сваіх сяброў і аформіце дамову пазыкі, то сумы ў ёй паказаць у замежнай валюце будзе нельга, калі змены ў выніку зацвердзяць.
Законапраект таксама прадугледжвае абмежаванні ў памерах адсоткаў і няўстойкі (штрафу), якія можна спагнаць паводле дамовы пазыкі паміж фізічнымі асобамі.
Як удакладняюць чыноўнікі, законапраект падрыхтавалі для таго, каб увесці дадатковую абарону правоў і маёмасных інтарэсаў беларусаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
