Прэм'ер Канады прадставіў новы ўрад

Марк Кэрні скараціў колькасць міністраў да 29 з 39.

У аўторак 13 траўня прэм'ер-міністр Канады Марк Кэрні, які перамог на выбарах мінулага месяца, прадставіў новы кабінет міністраў, які, паводле ягоных словаў, дапаможа вызначыць новыя стасункі са Злучанымі Штатамі. Пра гэта паведаміла агенцтва Reuters.

Кэрні скараціў колькасць міністраў да 29 з 39, але захаваў на сваіх пасадах некаторых ключавых чыноўнікаў. Сярод іх – міністр фінансаў Франсуа-Філіп Шампань і Дамінік Леблан, які адказвае за гандаль паміж Канадай і ЗША.

У той самы час Міністэрства замежных справаў узначаліць Аніта Ананд. Мелані Жалі, якая займала пасаду кіраўніцы МЗС, цяпер стане міністрам прамысловасці.

Хрысця Фрыланд у новым урадзе займае пасаду міністаркі транспарту і ўнутранага гандлю Канады. Былы банкір Goldman Sachs Цім Ходжсан займае пасаду міністра прыродных рэсурсаў, замяніўшы Джонатана Уілкінсана.

«Канадцы абралі гэты новы ўрад з моцным мандатам вызначыць новыя эканамічныя і стасункі ў сферы бяспекі са Злучанымі Штатамі і пабудаваць наймацнейшую эканоміку. Гэтая мэтанакіраваная каманда будзе дзейнічаць паводле гэтага мандата для зменаў неадкладна і катэгарычна», – гаворыцца ў заяве офіса Кэрні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com