Экспэрт: У лютым расейцаў чакаюць «сюрпрызы»

Чыннік Курскай аперацыі не проста аслабляе пазіцыі Крамля.

Сітуацыя на полі бою наўпрост уплывае на дыпламатычныя працэсы, і гэтыя два фронты застаюцца ўзаемадапаўняльнымі. Ключавым чыннікам застаецца менавіта ваеннае становішча, паколькі без змен на лініі фронту дыпламатычныя ініцыятывы страчваюць сэнс. Пра гэта ў эфіры тэлеканала FREEДОМ распавёў прэзідэнт аналітычнага цэнтра «Палітыка» Алег Лісны.

«Кожны з гэтых кампанентаў вельмі важны. Паасобку яны не спрацуюць. Але ключавым усё ж з'яўляецца тое, што адбываецца на полі бою. У нас амбіцыйныя планы, таму што камандаванне наўпрост заяўляе: у абароне немагчыма перамагчы ў вайне. Таму люты будзе складаны, але і ворага чакаюць сюрпрызы. Трэба спадзявацца, трымаць кулакі за нашых герояў і гераінь, якія ўмеюць здзіўляць супраціўніка», - адзначыў экспэрт.

Адным з ключавых чыннікаў, якія ўплываюць на дыпламатычную дынаміку, з'яўляецца аперацыя ў Курскай вобласці РФ. Калі раней крытыкі называлі яе "авантурай", то зараз становіцца відавочна, што яна адыграла стратэгічную ролю. Чыннік Курскай аперацыі не проста аслабляе пазіцыі Крамля, але і ператвараецца ў дыпламатычны інструмент.

«Курск - гэта месца ганьбы Пуціна. Вельмі даўно войскі іншай краіны не заходзілі на тэрыторыю Расейскай Федэрацыі, а зараз гэта адбылося. Нават замежныя журналісты кажуць, што гэта можа стаць траянскім канём, які згуляе супраць Пуціна на перамовах», - распавёў Лісны.

Аднак трэба разумець, што ў Крамлі робяць стаўку не на абарону ўласных тэрыторый, а на ўзмацненне пазіцый у акупаваных рэгіёнах Украіны. Расейскае кіраўніцтва імкнецца замацаваць тэрытарыяльныя набыцці да пачатку магчымых перамоў.

«Пуцін зробіць усё, каб перад перамовамі захапіць як мага больш украінскай тэрыторыі, асабліва ў Данецкай і Луганскай абласцях. Курская вобласць яго не хвалюе - ён разлічвае, што гэтае пытанне можна будзе выкарыстоўваць у гандлі. Аднак яму важна пазбавіць Украіну гэтай перавагі. Праблема ў тым, што сітуацыя ўжо выйшла з-пад яго кантролю: украінскае войска паспяхова дзейнічае на тэрыторыі Расеі, і змяніць гэта яму не ўдаецца», - растлумачыў спікер.

Таксама Курская аперацыя паказвае смеласць і амбіцыйнасць Украіны, якасці, якія паважае прэзідэнт ЗША Дональд Трамп. Гэта таксама можа паўплываць на ход перамоў.

«Трамп любіць адважных. І ўкраінцы праяўляюць максімальную адвагу. Мы рызыкуем і дэманструем, што мы можам тое, чаго ніхто не мог да нас», - дадаў Алег Лісны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com