У Беларусі для бацькоў хочуць увесці новы абавязак

Але як гэта будзе працаваць, чыноўнікі не могуць патлумачыць.

У бацькоў у Беларусі можа з'явіцца новы абавязак: абараняць дзяцей ад інфармацыі ў сеціве, «якая прычыняе шкоду здароўю і развіццю». Адна з мер абароны - дамова з інтэрнэт-правайдэрам на паслугу аб абмежаванні доступу да інфармацыі ў анлайне. Гэта вынікае з законапраекта "Аб змене законаў у пытаннях забеспячэння правоў дзяцей", які "дэпутаты парламента" 7 лютага прынялі ў першым чытанні, піша «Зеркало».

У праекце закона гаворыцца так: "Бацькі (апекуны, папячыцелі) абавязаны абараняць дзяцей ад інфармацыі, якая распаўсюджваецца ў глабальнай кампутарнай сетцы Інтэрнэт і прычыняе шкоду здароўю і развіццю дзяцей".

У законапраекце пазначаны некалькі спосабаў, як гэта павінны рабіць бацькі. Першы - тлумачыць дзецям шкоду такой інфармацыі. Другі - кантраляваць, якія інтэрнэт-рэсурсы яны наведваюць.

І яшчэ адзін спосаб — "шляхам укладання з пастаўшчыкамі інтэрнэт-паслуг дамовы на выкананне паслуг аб абмежаванні доступу да інфармацыі ў глабальнай камп'ютарнай сетцы Інтэрнэт або шляхам выкарыстання арганізацыйных мер, праграмна-апаратных і праграмных сродкаў, якія даюць магчымасць не дапусціць распаўсюджвання сярод дзяцей інфармацыі, якая наносіць шкоду іх здароўю і развіццю".

З тэксту законапраекта незразумела, бацькі абавязаны выканаць хаця б адзін пункт са спісу ці ўсё адразу. Як і тое, ці дастаткова тлумачэнняў ці тэхнічныя абмежаванні таксама стануць абавязковымі.

На пасяджэнні парламента 7 лютага "дэпутат" Кацярына Паздзяйкіна пацікавілася ў міністра адукацыі Андрэя Іванца, ці будзе дагавор з правайдэрам на абмежаванне адплатным, а таксама ці прадугледжаны льготы для шматдзетных і малазабяспечаных.

Па словах міністра адукацыі, у першую чаргу бацькі павінны размаўляць з дзецьмі і тлумачыць, на якія сайты нельга хадзіць. Калі дзіця адкрые нешта забароненае ў прысутнасці бацькоў - "яны павінны абмежаваць гэта".

— Цяпер мы вядзём абмеркаванне з Міністэрствам сувязі і інфармацыі, каб з выкарыстаннем паслуг аператараў сувязі гэтая паслуга выконвалася ўсё ж на бязвыплатнай аснове. Таму што мы мяркуем, што абарона правоў дзяцей і абмежаванне іх ад гэтай інфармацыі - у першую чаргу гэта важная задача дзяржавы. І бацькам мы тут павінны падставіць плячо, - сказаў Андрэй Іванец.

Паздзяйкіна таксама пацікавілася, што будзе, калі бацькі парушаць новы абавязак, ці прадугледжанае за гэта адказнасць.

- Мы павінны найепрш спачатку прыняць закон. Другое - правесці правапрымяняльную практыку і выявіць, ці будуць наогул такія выпадкі, калі нашы бацькі будуць парушаць гэтую норму закона, - адказаў міністр адукацыі. - Я вельмі разлічваю, што ў нас усе бацькі законапаслухмяныя і гэта не запатрабуе дадатковых змен з пункту гледжання адміністрацыйнай або іншай адказнасці. Таму што кожны з бацькоў у адказе за сваіх дзяцей. Але я яшчэ раз кажу: правапрымяняльная практыка пасля пакажа неабходнасць або адсутнасць неабходнасці ўвядзення адказнасці бацькоў.

Цяпер беларускія інтэрнэт-правайдэры прапануюць паслугу "Бацькоўскі кантроль". Для абанентаў "Белтэлекама" яна каштуе 11,6, або 8,8 капейкі на дзень (залежыць ад маштабу абмежаванняў), у А1 — 7 капеек у дзень, або 2,46 рубля на месяц (залежыць ад тарыфнага плана), у Unet — бясплатна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com