Навуковая няўдача: беларускія ВНУ страчваюць пазіцыі ў рэйтынгу Webometrics
6- 9.02.2025, 19:10
- 5,600
За апошнія пяць год сур'ёзна апусціліся БДУ і БНТУ.
У студзені 2025 года быў абноўлены Webometrics - глабальны рэйтынг ВНУ, які складаецца з гішпанскім даследчым цэнтрам CSIC, заўважыў тэлеграм-канал «De facto. Беларуская навука». Сутнасць рэйтынгу ў паказчыку лічбавай актыўнасці: цытаванасць навуковых работ, вэб-бачнасць ВНУ, колькасці публікацый і да т.п. Ён арыентаваны на навуковую актыўнасць універсітэтаў, а не на іх акадэмічныя дасягненні.
Пазіцыі пяці найлепшых беларускіх ВНУ ў новым рэйтынгу:
• БДУ - 1202 пазіцыя (пяць гадоў таму - 763, год таму - 1048);
• Беларускі дзяржаўны медыцынскі ўніверсітэт — 3413 (пяць гадоў таму — 4248, год таму — 3275);
• Гарадзенскі дзяржаўны ўніверсітэт імя Янкі Купалы — 3627 (пяць гадоў таму — 3326, год таму — 3456);
• БДУІР - 3993 (пяць гадоў таму - 3719, год таму - 3913);
• БНТУ - 4376 (пяць гадоў таму - 2536, год таму - 4170).
Што гэта за рэйтынг?
Гэты рэйтынг складаецца групай Cybermetrics, якая ўваходзіць у склад Нацыянальнага даследчай рады Гішпаніі (CSIC), і ўключае амаль 32 000 вышэйшых навучальных устаноў з усяго свету. Ён публікуецца з 2004 года з мэтай прасоўвання адкрытага доступу да ведаў, якія ствараюцца ўніверсітэтамі.
Мадэль рэйтынгу заснавана як на вэбаметрычных, так і на бібліяметрычных паказчыках, якія збіраюцца з надзейных крыніц, такіх як Majestic, Google Scholar і Scimago-Scopus.
Рэйтынг не ацэньвае якасць адукацыі, узровень выкладання і рэпутацыю выпускнікоў. Яго не варта параўноўваць з такімі прэстыжнымі рэйтынгамі, як QS, THE (Times Higher Education) ці ARWU (Шанхайскі рэйтынг).
Ён адлюстроўвае навуковую актыўнасць ВНУ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
