Перамоўшчык Пуціна па-хамску адрэагаваў на прыпісаныя Мерцу словы

Прадстаўнік Крэмля трапіў у чарговы скандал.

Спецыяльны прадстаўнік расійскага дыктатара Уладзіміра Пуціна па інвестыцыйна-эканамічным супрацоўніцтве з замежнымі краінамі Кірыл Дзмітрыеў з насмешкай адрэагаваў на нібыта словы канцлера Германіі Фрыдрыха Мерца пра «гульні» Вашынгтона.

Дзмітрыеў напісаў у сваім допісе, апублікаваным у сацыяльнай сетцы X, што Мерц «нават не ў гульні».

«Дарагі Мерц, вы нават не ў гульні. Вы дыскваліфікавалі сябе распальваннем вайны, сабатажам міру, нерэалістычнымі прапановамі, суіцыдам заходняй цывілізацыі, міграцыяй, упартай тупасцю», — гаворыцца ў допісе перамоўшчыка Пуціна.

4 снежня Der Spiegel апублікаваў стэнаграму размовы Мерца з прэзідэнтам Францыі Эмануэлем Макронам, генеральным сакратаром НАТА Маркам Руттэ, прэзідэнтам Фінляндыі Аляксандрам Стубам і ўкраінскім лідарам Уладзімірам Зяленскім. Паводле яе, яны выказвалі прамыя асцярогі, што Злучаныя Штаты могуць «здрадзіць Украіне і Еўропе» на перамовах, якія Вашынгтон вядзе з Масквой адносна патэнцыйнага мірнага пагаднення.

Мерц заявіў, што Зяленскаму варта быць «надзвычай асцярожным у найбліжэйшыя дні». «Яны гуляюць у гульні як з вамі, так і з намі», — нібыта сказаў Мерц, верагодна маючы на ўвазе амерыканскіх перамоўшчыкаў Стыва Уіткофа і Джарэда Кушнера.

У адказ на просьбу пракаментаваць стэнаграму, апублікаваную Spiegel, у Офісе прэзідэнта Украіны заявілі, што «не каментуюць укіды».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]