The Telegraph: У Еўропы яшчэ ёсць карта, якая можа змяніць ход вайны ва Украіне

Прыйшоў час яе задзейнічаць.

Расійскі дыктатар Уладзімір Пуцін можа стаць першым у гісторыі агрэсарам, які будзе вымушаны фінансаваць супраціў вайне, якую ён сам і развязаў. Еўропа павінна праявіць рашучасць і аднавіць сваю значнасць, канфіскаваўшы замарожаныя актывы Расіі.

Пра гэта піша The Telegraph, указваючы, што «прыйшоў час» канфіскаваць дзяржаўныя актывы РФ.

Нішто так не прадэманстравала слабасць еўрапейцаў, як прамыя перамовы паміж Вашынгтонам і Масквой пра лёс Украіны. Разбурыўшы свае арміі і выдаткаваўшы сродкі на сістэмы сацыяльнага забеспячэння, Еўропа плаціць высокую цану за сваю легкадумнасць, адзначаюць аўтары артыкула.

«Аднак, калі еўрапейскія лідары хочуць аднавіць сваю значнасць, ім яшчэ трэба згуляць адну гіганцкую карту», — піша The Telegraph.

Цяпер каля 230 млрд расійскіх дзяржаўных актываў замарожаныя ў фінансавых установах кантынента, найперш у Бруселі. Гэта сума складае 140% усяго ВУП Украіны і больш чым у чатыры разы перавышае яе абаронны бюджэт. Калі б Еўропа магла канфіскаваць гэтыя сродкі і пералічыць іх Украіне, гэта было б тым, што называюць «стратэгічным эфектам», адзначаюць аўтары публікацыі. То-бок, калі б расійскія актывы можна было б мабілізаваць у такіх маштабах і з іх дапамогай пераўзброіць і аснасціць Украіну, яны маглі б змяніць ход вайны.

Больш за тое, Пуцін увайшоў бы ў гісторыю як першы агрэсар, якога прымусілі фінансаваць супраціў уласнай агрэсіі, канстатуе The Telegraph. Расійскі народ разумеў бы, што за яго ўласныя рэсурсы купляюць кулі і ракеты, якія забіваюць іх салдат.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]