Дрон трапіў у адміністрацыйны хмарачос каля рэзідэнцыі Кадырава ў Грозным

У будынку размяшчаюцца Савет бяспекі Чачні, Рахунковая палата і выбаркам.

У сталіцы Чачні ў высотным будынку «Грозны-Сіці» прагрымеў выбух з-за трапляння ўкраінскага дрона, перадае УНІАН.

Пра гэта паведамляюць расійскія паблікі. Яны распаўсюдзілі здымкі, на якіх бачна пашкоджаны шматпавярховы офісны будынак у комплексе «Грозны-Сіці». Паводле звестак тэлеграм-канала Astra, у гэтым будынку знаходзяцца Савет бяспекі Чачні, Рахунковая палата і выбаркам.

«Вежа, у якую трапіў дрон, размешчаная ў 800 метрах ад рэзідэнцыі Рамзана Кадырава, у ёй знаходзяцца офісы адразу некалькіх органаў улады», — пішуць расійскія тэлеграм-каналы.

У прыватнасці, на здымках бачна пашкоджанае шкленне цэлай секцыі будынка на некалькіх паверхах.

Звесткі пра ўдар таксама публікуюць чачэнскія апазіцыйныя каналы. Аднак улады Чачні пра якія-небудзь удары не паведамлялі.

Пры гэтым аэрапорт Грознага, а таксама аэрапорты Беслана і Магаса, закрытыя з-за небяспекі атакі дронаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]