СМІ: Чатыры невядомыя дроны суправаджалі самалёт з Зяленскім у Ірландыю

Дроны запускалі з паўночнага ўсходу Дубліна.

У панядзелак, 1 снежня, калі ўкраінскі прэзідэнт Уладзімір Зяленскі накіраваўся ў Ірландыю, чатыры невядомыя ваенныя дроны ляцелі ў кірунку траекторыі палёту яго самалёта, парушыўшы забарону на палёты.

Пра гэта паведамляе ірландскі партал The Journal.

Як адзначаецца, чатыры «дроны ваеннага тыпу» дасягнулі месца ў раёне аэрапорта Дубліна, дзе каля 23:00 павінен быў пралятаць борт з Зяленскім. Самалёт прызямліўся з апераджэннем раскладу, таму размінуўся з БПЛА.

Пасля гэтага дроны паляцелі ў бок ваеннага карабля Ірландыі LÉ William Butler Yeats, які таемна разгарнулі каля Дубліна. Узброеныя сілы Ірландыі прынялі рашэнне не збіваць дроны.

Усталявана, што дроны запускалі з паўночнага ўсходу Дубліна, адкуль яны ляцелі да двух гадзін. Выданне адзначае, што пакуль невядома, хто іх запусціў і з якой мэтай, а таксама дзе цяпер знаходзяцца гэтыя БПЛА.

«Ірландскія службы бяспекі ўстанавілі, што дроны ў аэрапорце Дубліна былі вялікімі, надзвычай дарагімі, ваеннага прызначэння, і што інцыдэнт можна класіфікаваць як гібрыдную атаку», — гаворыцца ў матэрыяле.

Паводле звестак The Journal, пасля інцыдэнту ў аўторак адбылася экстранная нарада з удзелам вышэйшага кіраўніцтва Ірландыі, а самалёт з Зяленскім здзейсніў спецыяльны ўзлёт з Дublіна, каб абмежаваць рызыку інцыдэнтаў з дронамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]