Prada набыла модны дом Versace
3- 4.12.2025, 1:34
- 4,350
Названая сума здзелкі.
Італьянская Prada Group у аўторак паведаміла пра завяршэнне здзелкі па набыцці свайго былога канкурэнта — моднага дома Versace, піша BBC.
Сума здзелкі ацэньваецца ў 1,38 млрд долараў, што істотна ніжэй за 2 млрд долараў, якія папярэдні ўладальнік Versace — амерыканская Capri Holdings — заплаціў за брэнд у 2018 годзе.
«Сёння Prada S.p.A. абвяшчае аб паспяховым завяршэнні здзелкі па набыцці Versace ў Capri Holdings пасля атрымання ўсіх неабходных дазволаў рэгулятарных органаў», — гаворыцца ў кароткім прэс-рэлізе Prada Group.
Пасля завяршэння здзелкі пасаду выканаўчага дырэктара Versace зойме Ларэнца Бертэллі — дырэктар па маркетынгу Prada Group і сын Міуччы Прада, цяперашняй выканаўчай дырэктаркі Prada і ўнучкі Марыё Прада, які заснаваў кампанію ў Мілане ў 1913 годзе.
Па словах Бертэллі, перамовы аб куплі Versace вяліся апошнія некалькі гадоў.
«Мы пачалі кантактаваць у перыяд пандэміі, перамовы ішлі яшчэ да продажу Capri кампаніі Tapestry. Калі тая здзелка сарвалася з-за антыманапольных праблем, мы вярнуліся да абмеркавання і паспрабавалі паскорыць працэс», — сказаў ён Reuters у лістападзе.
Як піша брытанская The Guardian, для Prada купля моднага дома стане чарговым крокам на шляху да ператварэння ў аднаго з лідараў індустрыі моды, здольнага канкурыраваць з французскім кангламератам LVMH, у які ўваходзіць мноства папулярных люксавых брэндаў.
Сястра памерлага заснавальніка Versace, Донатэла Версачэ, пакінула пасаду крэатыўнай дырэктаркі моднага дома ў сакавіку, працаваўшы ў кампаніі 27 гадоў. Яна адзначыла, што завяршэнне здзелкі супала з днём нараджэння Джанні Версачэ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
