У Беларусі змянілі арэндную плату за зямлю

Што зменіцца.

У Беларусі скарэктаваны памер арэнднай платы за зямельныя ўчасткі, якія знаходзяцца ў дзяржаўнай уласнасці. Адпаведны ўказ (№439 ад 17 снежня 2025-га) падпісаў Лукашэнка, паведаміла прэс-служба дыктатара.

Указам усталёўваецца памер арэнднай платы — роўны памеру зямельнага падатку, які налічваецца згодна з падатковым заканадаўствам. Пры гэтым для плацельшчыкаў захаваныя льготы па зямельным падатку, якія прадугледжвае Падатковы кодэкс.

Таксама захаваныя дзеючыя на дадзены момант тэрміны ўнясення арэнднай платы і тэрміны пералічэння юрыдычнымі асобамі сум арэнднай платы ў падатковыя органы.

Пры гэтым дагаворы арэнды трэба прывесці ў адпаведнасць з новым указам. Гэта будзе ажыццяўляцца паступова па меры паступлення заяў ад арандатараў, у выпадках падаўжэння тэрмінаў арэнды зямлі, а таксама калі мясцовыя ўлады (адміністрацыі свабодных эканамічных зон) прынялі рашэнне аб дзяржаўнай рэгістрацыі перададзеных у арэнду ўчасткаў.

У дакуменце сказана, што з 1 студзеня 2026-га палажэнні ўказа будуць прымяняцца да ўсіх зямельных участкаў у дзяржаўнай уласнасці, а таксама перададзеных у арэнду мясцовымі ўладамі або адміністрацыямі СЭЗ.

Як адзначылі ў прэс-службе кіраўніка, прадугледжаныя ўказам меры дазволяць удасканаліць сістэму спагнання арэнднай платы за зямельныя ўчасткі і стварыць роўныя ўмовы для ўсіх землекарыстальнікаў незалежна ад віду правоў на зямлю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]