«Побач два ларкі з яйкамі. Здагадаліся, дзе чарга?»
17- 17.12.2025, 10:22
- 6,494
Відэа з Мінска выклікала ажыўленыя спрэчкі.
Відэа чаргі, якая ўтварылася за яйкамі па 3 рублі 80 капеек у сталічным гандлёвым цэнтры «EXPOBEL», апублікавала мінчанка. Ролік выклікаў ажыўленыя спрэчкі сярод карыстальнікаў TikTok, і не ў апошнюю чаргу таму, што ў суседнім ларку таго ж ТЦ аналагічны тавар прадавалі на 10 капеек даражэй і там не было ні душы, піша «Зеркало».
«Побач два ларкі з яйкамі, — падпісала сваё відэа тыктокерка. — У першым — па 3,80, у другім — па 3,90. Здагадаліся, у якую чаргу ўсе стаяць».
Ролік сабраў амаль паўмільёна праглядаў і больш за тысячу каментарыяў.
Некаторыя адзначылі, што 10 капеек «таго не вартыя». Іншыя, наадварот, выказалі меркаванне, што нават дзеля такой невялікай выгоды часам можна чаргу адстаяць.
«Заўважылі, [у чарзе] адны пенсіянеры. Маладых няма. Ім с***ць было на гэтыя 10 капеек. А потым пенсіянеры ў навінах: «Ашуканцы развялі на мільён долараў», — напісала ў каментарыях карыстальніца Святлана.
Частка каментатараў дапусціла, што ў дзвюх кропак адзін гаспадар і розніца ў цане дазваляе яму штучна ствараць ажыятаж.
«Калісьці я гандлявала чарэшняй і адну і тую ж дзяліла на дзве катэгорыі — даражэй і танней. Найперш разбіралі дарагую. Я заўсёды шчыра адказвала, што розніца — у цане», — падзялілася адна з удзельніц абмеркавання.
Іншыя карыстальнікі выказалі здагадку, што людзі сталі ў чаргу не з-за больш прывабнай цаны тавару, а з-за яго больш высокай якасці.
У гэтым кантэксце гучалі і здагадкі, што людзі стаяць па яйкі з «больш яркім жаўтком», а «не аблезлым, нібы хлорам выбеленым». Але і тут знайшліся скептыкі, якія заявілі, што яркасць жаўтка не з'яўляецца надзейным паказчыкам яго карыснасці.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
