Трамп рыхтуе зварот да нацыі ў прамым эфіры
13- 17.12.2025, 9:59
- 4,002
Уначы ў гэты чацвер.
Прэзідэнт ЗША Дональд Трамп у ноч на чацвер, 18 снежня, выступіць са зваротам да амерыканцаў. Пра гэта ён напісаў у Truth Social 16 снежня.
Ён абвясціў пра зварот да нацыі ў прамым эфіры з Белага дома а 21:00 17 снежня па вашынгтонскім часе (05:00 18 снежня па мінскім часе).
«З нецярпеннем чакаю сустрэчы з вамі. Гэта быў выдатны год для нашай краіны, і найлепшае яшчэ наперадзе!» — напісаў Трамп у Truth Social.
Ён не ўдакладніў падрабязнасцяў адносна звароту.
The Hill піша, што зварот адбудзецца на фоне набліжэння гадавіны знаходжання Трампа на пасадзе прэзідэнта і нядаўняй крытыкі за засяроджанне Белага дома на знешняй палітыцы напярэдадні прамежкавых выбараў.