Беларус пусціў пад адхон цеплавоз

Мужчына патлумачыў, навошта гэта зрабіў.

У Віцебскай вобласці мужчына сапсаваў чыгуначнае палатно, у выніку чаго цеплавоз і першы вагон сышлі з рэек. Падрабязнасці паведаміла мясцовая транспартная пракуратура.

А было гэта так. 39-гадовы жыхар Воршы на працягу года працаваў слесарам у лакаматыўным дэпо.

Будучы п’яным, вырашыў прайсціся ўздоўж чыгуначнага палатна. Падчас прагулкі ён перавёў тры нецэнтралізаваныя ручныя стрэлачныя пераводы ў нейтральнае становішча.

Гэта гарантавана азначала сход з рэек любога саставу, які б праехаў на гэтым участку шляху. Так і сталася. У выніку з рэек сышлі цеплавоз і першы вагон.

Пацярпелі вузлы і механізмы рухомага саставу, а таксама чыгуначнае палатно і стрэлачныя пераводы. Сума шкоды склала Br 18 тыс.

У судзе абвінавачаны распавёў, што проста хацеў праверыць, як лакаматыўная брыгада адрэагуе на аварыйную сітуацыю.

З улікам доказаў, прадстаўленых дзяржаўным абвінаваўцам, суд Аршанскага раёна і г. Воршы вынес абвінаваўчы прысуд.

Мужчыну асудзілі паводле арт. 309 ч. 1 Крымінальнага кодэкса і прызначылі пакаранне ў выглядзе абмежавання волі з накіраваннем у выпраўчую ўстанову адкрытага тыпу на тэрмін 2 гады 7 месяцаў.

Таксама паводле арт. 107 да яго прымянілі прымусовыя меры бяспекі і лячэння ад хранічнага алкагалізму.

Прысуд не ўступіў у законную сілу, можа быць абскарджаны і апратэставаны ў апеляцыйным парадку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]