Ва Украіне адбыўся чацвёрты землятрус за апошнія дні

На гэты раз у Хмельніцкай вобласці.

Сёння раніцай, 15 снежня, ва Украіне адбыўся землятрус. Пра гэта паведамляе Галоўны цэнтр спецыяльнага кантролю, піша unian.net.

Як адзначаецца, падземныя штуршкі былі зафіксаваныя а 06:12. Землятрус адбыўся ў Дунаевецкім раёне Хмельніцкай вобласці. Яго магнітуда склала 1,7, а эпіцэнтр залягаў на глыбіні 5 км.

«Паводле класіфікацыі землятрусаў адносіцца да ледзь адчувальных», — адзначылі эксперты.

У апошнія дні ва Украіне рэгулярна фіксуюцца землятрусы. Так, 11 снежня ў Цярнопальскай вобласці адбыўся землятрус магнітудай 2,9 — навукоўцы аднеслі яго да адчувальных.

Увечары 12 снежня падземныя штуршкі былі зафіксаваныя ў Чорным моры прыкладна за 12 км ад узбярэжжа Крыма. Магнітуда землятрусу склала 4,4.

На наступны дзень, 13 снежня, землятрус адбыўся ў Днястроўскім раёне Чарнавіцкай вобласці. Яго магнітуда дасягнула 2,5 — штуршкі таксама былі ледзь адчувальнымі.

Такім чынам, землятрус у Хмельніцкай вобласці стаў ужо чацвёртым, зафіксаваным ва Украіне за апошнія дні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]