Віктар Бабарыка зрабіў неадназначную заяву пра вайну РФ супраць Украіны

Экс-палітвязень адказаў на пытанне пра вайну на прэс-канферэнцыі ў Чарнігаве.

Экс-палітвязень Віктар Бабарыка адказаў на прэс-канферэнцыі на пытанне пра вайну РФ супраць Украіны.

«Пытанне не датычыцца нацыянальнасці, не датычыцца праваты або няправаты і ўсяго астатняга. Усё, што робіцца супраць чалавечнасці, — гэта бесчалавечна, гэтага нельга падтрымліваць. Але яшчэ раз падкрэслю: такія дзеянні не могуць падтрымлівацца і не залежаць ад таго, дзе чалавек нарадзіўся.

Яны залежаць ад маральных прынцыпаў самога чалавека. І іх нельга падтрымліваць ні ў якім разе. Нельга апраўдваць, што гэта можна рабіць, таму што я за справядлівасць. Не, гэтага нельга рабіць. То бок можа быць тлумачэнне, чаму ты гэта робіш, але ацэнка самога маральнага ўчынку — яна ад гэтага не можа змяняцца.

І таму адказ на ваша пытанне змяшчаецца ў самым пытанні. Такіх людзей нельга падтрымліваць. Але гэта не значыць, што гэта робяць выключна.., расіяне кажуць, што гэта ўкраінцы робяць, украінцы — што гэта расіяне або хтосьці яшчэ. Дакладна так жа, як у любой вайне, якая б ні адбывалася, здзяйсняюцца злачынныя дзеянні, якія нельга падтрымліваць ні ў якой меры», — сказаў ён.

Пры гэтым экс-банкір адзначыў, што падчас зняволення ён і іншыя палітвязні не мелі доступу да надзейнай інфармацыі і таму не могуць даваць ацэнак таму, што адбываецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]