Папа Рымскі адказаў на запрашэнне Зяленскага прыехаць у Кіеў
4- 14.12.2025, 11:28
- 3,866
План ужо гатовы.
Ватыкан ужо распрацаваў план візіту Папы Рымскага Льва XIV ва Украіну, але яго «цяжка рэалізаваць» з-за пытанняў бяспекі. Пра гэта заявіў сам пантыфік падчас прыватнай аўдыенцыі, піша ANSA.
Папа Рымскі заявіў, што спадзяецца прыехаць ва Украіну, але не назваў канкрэтнай даты, бо «ў такіх рэчах трэба быць рэалістамі».
«Было б добра паехаць у Кіеў, план ужо гатовы, але яго цяжка рэалізаваць», — заявіў пантыфік. Ён дадаў, што спадзяецца на прыкладанне ўсіх намаганняў для дасягнення «справядлівага і трывалага міру» ва Украіне і заклікаў італьянскіх дыпламатаў спрыяць гэтаму.
9 снежня прэзідэнт Украіны Уладзімір Зяленскі сустрэўся з Папам Рымскім Львом XIV у афіцыйнай рэзідэнцыі пантыфіка паблізу Рыма. Зяленскі напісаў у сацсетках, што праінфармаваў Папу Рымскага пра дыпламатычную працу з ЗША дзеля дасягнення міру і запрасіў пантыфіка наведаць Украіну.
«Гэта будзе моцным сігналам падтрымкі для нашых людзей», — пісаў украінскі лідар.
Ватыкан паведаміў, што падчас «шчырай размовы» Папа Рымскі падкрэсліў важнасць працягнення дыялогу і яшчэ раз выказаў надзею, што цяперашнія дыпламатычныя намаганні дапамогуць дасягнуць справядлівага і трывалага міру ва Украіне. Таксама пантыфік закрануў тэму ваеннапалонных і падкрэсліў неабходнасць вяртання ўкраінскіх дзяцей у іх сем'і.
3 снежня Папа Рымскі заявіў, што Італія можа быць пасярэднікам у перамовах аб завяршэнні вайны Расіі супраць Украіны. Паводле пантыфіка, прысутнасць Еўропы на перамовах аб спыненні вайны ва Украіне важная. Папа Рымскі дадаў, што Святы Пасад можа заахвочваць такое пасярэдніцтва ў пошуку рашэння, якое забяспечыла б справядлівы мір ва Украіне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
