Роберта Мецола: Беларусь будзе вольнай
1- 14.12.2025, 9:52
- 1,454
Еўрапарламент будзе і далей дамагацца вызвалення ўсіх палітвязняў.
Кіраўніца Еўрапарламента Роберта Мецола адрэагавала на вызваленне 123 палітвязняў у Беларусі. Палітык заявіла, што ЕС вітае вызваленне палітвязняў, але будзе і далей дамагацца вызвалення ўсіх палітвязняў, уключаючы Анджэя Пачобута.
«Я вітаю вызваленне шэрагу палітычных зняволеных у Беларусі, у тым ліку лаўрэатаў прэміі Сахарава Марыі Калеснікавай і Алеся Бяляцкага, які таксама з’яўляецца лаўрэатам Нобелеўскай прэміі міру.
Яны столькі ўсяго перажылі. Жадаю ім моцы і магчымасці ўз’яднацца са сваімі сем’ямі і блізкімі.
Еўрапарламент будзе і далей дамагацца вызвалення ўсіх палітычных зняволеных у Беларусі, уключаючы журналіста Анджэя Пачобута, якога мы ўзнагародзім прэміяй Сахарава ў Страсбургу ў аўторак.
Тым, хто дагэтуль за кратамі: мы вас не забудзем. Беларусь будзе вольнай», — напісала Роберта Мецола ў Х.
I welcome the release of a number of political prisoners in Belarus, including Sakharov Prize laureates Maria Kolesnikova and Ales Bialatski, also laureate of @NobelPrize for Peace.
They have endured so much. I wish them strength as they should reunite with their families and… pic.twitter.com/99NvoMpUoE
— Roberta Metsola (@EP_President) December 13, 2025
Нагадаем, што ўчора Лукашэнка вызваліў 123 палітвязняў.
Сярод тых, хто выйшаў на волю, — лаўрэат Нобелеўскай прэміі міру Алесь Бяляцкі, апазіцыйны палітык Павал Севярынец, праваабаронца Уладзімір Лабковіч і шэраг іншых вязняў сумлення.
Большасць памілаваных былі прымусова вывезеныя на тэрыторыю Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
