Axios: ЗША прапануюць Украіне гарантыі бяспекі на аснове 5-га артыкула НАТА

Гарантыі будуць ухвалены Кангрэсам і мець абавязковую юрыдычную сілу.

Спецпасланнікі Дональда Трампа Стыў Уіткоф і Джарэд Кушнер сустрэнуцца ў панядзелак у Берліне з прэзідэнтам Украіны Уладзімірам Зяленскім і лідэрамі Германіі, Францыі і Вялікабрытаніі, каб дасягнуць пагаднення па амерыканскім плане мірнага ўрэгулявання ва Украіне. Як піша Axios, са спасылкай на інфармацыю ад прадстаўнікоў Белага дома, пры гэтым ЗША гатовыя прадаставіць Украіне гарантыі бяспекі ў абмен на ўступку тэрыторый.

Асноўнай перашкодай з’яўляецца тэрытарыяльныя ўступкі, на якія ЗША просяць пайсці Кіеў. У той жа час цяпер амерыканскі бок лічыць, што ўсе астатнія пытанні блізкія да развязання, і што Зяленскі, магчыма, прапанаваў шлях вырашэння тэрытарыяльных пытанняў.

«Прадстаўнік Белага дома адзначыў, што Зяленскі ў сваіх публічных заявах у чацвер дапусціў, што Украіна магла б правесці рэферэндум па мірнай дамове, якая прадугледжвае ўступку тэрыторыі. Паводле слоў чыноўніка, ЗША разглядаюць гэта як прагрэс», — піша Axios.

Чыноўнікі Белага дома таксама паведамілі, што перамовы аб гарантыях бяспекі, якія Украіна атрымае ад ЗША і Еўропы, істотна прасунуліся.

Так, адзін з чыноўнікаў распавёў, што адміністрацыя Трампа гатовая прадаставіць Украіне гарантыі на аснове артыкула 5 НАТА, якія будуць ухвалены Кангрэсам і мець абавязковую юрыдычную сілу.

«Мы хочам прадаставіць украінцам гарантыі бяспекі, якія, з аднаго боку, не будуць пустым чэкам, а з другога — будуць дастаткова моцнымі. Мы гатовыя накіраваць гэта ў Кангрэс на галасаванне», — сказаў амерыканскі чыноўнік.

Ён заявіў, што будуць заключаныя тры асобныя пагадненні: аб міры, гарантыях бяспекі і аднаўленні, і што апошнія перамовы ўпершыню далі ўкраінцам «поўнае бачанне будучыні».

Пры гэтым, паводле слоў чыноўніка, перамовы па пасляваенным пакеце мер па эканамічным і аднаўленчым развіцці ідуць добра.

«Калі людзі бачаць, што яны атрымаюць, а не толькі тое, што яны аддадуць, яны больш схільныя рухацца наперад… Згодна з цяперашняй прапановай, вайна скончыцца тым, што Украіна захавае суверэнітэт над 80% сваёй тэрыторыі, атрымае найбольшыя і наймацнейшыя гарантыі бяспекі, якія яна калі-небудзь атрымлівала, і вельмі значны пакет мер для забеспячэння дабрабыту», — дадаў чыноўнік.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]