Рэжым Лукашэнкі дапамагае РФ накіроўваць «Шахеды» для ўдараў па Украіне

Расія выкарыстоўвае мабільную сетку Беларусі для кіравання беспілотнікамі.

Расія выкарыстоўвае мабільную сетку Беларусі для кіравання «Шахедамі» падчас масіраваных удараў па Украіне.

Пра гэта паведаміў украінскі спецыяліст па ваенных радыётэхналогіях Сяргей Флэш, які супрацоўнічае з Сіламі абароны Украіны.

Паводле яго слоў, расійскія аператары сувязі забяспечваюць мадэмы ў беспілотніках спецыяльнымі SIM-картамі, што працуюць у роўмінгу менавіта на тэрыторыі Беларусі. Дзякуючы гэтаму расійскія БПЛА захоўваюць перадачу даных пры заходзе ва ўкраінскую паветраную прастору.

Расійскія SIM-карты не функцыянуюць ва Украіне, аднак доступ да беларускіх сетак дае «Шахедам» магчымасць утрымліваць канал перадачы даных яшчэ на некалькі дзесяткаў кіламетраў углыб украінскай тэрыторыі. Паводле дадзеных эксперта, праверка стану мадэма, напрыклад, збіты беспілотнік ці не, магчымая нават на дыстанцыі да 90 кіламетраў.

Адзіны рабочы варыянт супрацьдзеяння гэтай пагрозе — знішчаць прыгранічныя расійскія базавыя станцыі, антэны якіх накіраваныя ў бок Украіны. У той жа час вежы на тэрыторыі Беларусі ўкраінская армія не атакуе.

«Калі даказаць, што прыгранічныя мабільныя станцыі Беларусі выкарыстоўваюцца «Шахедамі», што цалкам рэальна зрабіць сродкамі РЭБ, мы можам са спакойным сумленнем глушыць прыёмныя частоты гэтых станцый РЭБам з нашай тэрыторыі падчас трывог», — напісаў эксперт.

Нядаўна стала вядома, што расіяне тэстуюць SIM-карты розных краін у Турцыі ў гатэлях. Эксперт патлумачыў, што такім чынам правяраюць хуткасць перадачы даных, час рэгістрацыі ў Сеціве, магчымыя затрымкі, працу VPN-каналаў і алгарытмы, якія адсочваюць змены IMEI. Ён падкрэсліў, што мэта такіх эксперыментаў — менавіта тэхнічная ацэнка якасці сувязі.

Флэш нагадаў, што Украіна даўно змагаецца з мадэмамі і SIM-картамі, убудаванымі ў «Шахеды». Паводле яго слоў, аператары і сілавыя структуры праводзяць маштабную нябачную працу, якая дапамагае зніжаць эфектыўнасць расійскіх удараў. Украіна ўжо мае вялікі досвед супрацьдзеяння як расійскім SIM-картам, так і картам іншых краін, якія таксама сустракаюцца ў збітых беспілотніках. Эксперт выказаў здагадку, што новыя эксперыменты Расіі могуць быць звязаныя з падрыхтоўкай да выкарыстання падобных трэкераў на беспілотніках, якія будуць дзейнічаць на тэрыторыі краін Еўрапейскага Саюза.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]