Сусветны Кангрэс Свабоды прызнаў палітвязнямі сем чалавек

Арганізацыя прапанавала сваё вызначэнне тэрміна «палітвязень».

Сусветны Кангрэс Свабоды, глабальная арганізацыя, якая аб’ядноўвае прадстаўнікоў дэмакратычных рухаў дзяржаў і рэгіёнаў, што жывуць пры аўтарытарных і дыктатарскіх рэжымах, сёння, у Міжнародны дзень правоў чалавека, абнародаваў важнае рашэнне аб прызнанні сваіх сябраў «палітвязнямі» на падставе прынятага Кангрэсам вызначэння.

У сваім лісце, накіраваным міжнародным праваабарончым арганізацыям, прэзідэнт Сусветнага Кангрэса Свабоды Фелікс Марад’яга (Нікарагуа) піша:

— Добра вядома, што ва ўсім свеце аўтарытарныя рэжымы ўсё часцей звяртаюцца да адвольных затрыманняў, сфабрыкаваных абвінавачанняў і выкарыстання крымінальных кодэксаў як зброі, каб прымусіць замаўчаць людзей, якія абараняюць дэмакратыю, правы чалавека і асноўныя свабоды.

Сусветны Кангрэс Свабоды (СКС), будучы транснацыянальным альянсам перадавых рухаў і дысідэнтаў у выгнанні, адданых супраціву аўтарытарызму, распрацаваў уласнае вызначэнне і механізм прыняцця рашэнняў для прызнання статусу палітвязня як меры абароны змагароў за свабоду.

Гэтая сістэма была распрацавана сумесна ўсімі нашымі сябрамі па ўсім свеце дзеля забеспячэння яснасці, даставернасці і паслядоўнасці ў рэагаванні на палітычна матыкаванае пазбаўленне волі — актуальны і ўсё больш распаўсюджаны інструмент рэпрэсій у кожным рэгіёне, прадстаўленым СКС.

Сусветны Кангрэс Свабоды прапануе сваё вызначэнне тэрміна «палітвязень»:

— «Палітвязень» — гэта чалавек, адвольна затрыманы або арыштаваны з палітычных матываў як прамое наступства яго супраціву дзеючаму аўтарытарнаму або дыктатарскаму рэжыму без законных прававых падстаў і без даказанай сувязі з рэальным крымінальным злачынствам. Гэта вызначэнне ўжываецца незалежна ад артыкулаў або палажэнняў Крымінальнага кодэкса, выкарыстаных для абгрунтавання затрымання або арышту. Статус надаецца неадкладна пасля пацверджання даставернай інфармацыі, якая сведчыць пра палітычную матываванасць пазбаўлення волі, і захоўваецца да спынення ўсіх формаў рэпрэсій у дачыненні да дадзенай асобы, калі толькі інфармацыя пра рэпрэсіі і іх характар у далейшым не будзе абвергнута праверанымі доказамі»

Гэта рашэнне было прынята па ініцыятыве каардынатара грамадзянскай кампаніі «Еўрапейская Беларусь» Андрэя Саннікава, якога Кангрэс абраў сваім амбудсменам.

Сваім меркаваннем пра гэтае рашэнне падзялілася вядомая амерыканская праваабаронца Кэтрын Фіцпатрік:

— Я вітаю гэтую надзвычай важную ініцыятыву па аказанні рэальнай падтрымкі палітвязням, лжыва абвінавачаным у гвалце і нават тэрарызме. Міжнародная супольнасць павінна засяродзіцца на нормах міжнароднага права і давяраць сведчанням грамадзянскай супольнасці, а не пакорліва прымаць дэзінфармацыю злачынных аўтарытарных рэжымаў.

Спіс палітвязняў Сусветнага Кангрэса Свабоды ўключае 7 чалавек:

Фонике Менге (Гвінея), Хесус Армас (Венесуэла), Сюссе Маср (Чад), Виктуар Ингабире (Руанда), Тунду Лиссу (Танзанія), Кизза Бесидже (Уганда), Тири Сенг (Камбоджа).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]