Беларускія банкі ўвялі змены, якія датычацца ЕРІП

Падрабязнасці.

Некалькі банкаў увялі змены, якія датычацца ЕРІП. «Зеркало» расказала падрабязнасці.

«Приорбанк» з 17 лістапада ўвёў абмежаванні па плацяжах карткамі на крыптаплатформах. «Ліміт здзяйснення аперацый у адрас крыптаплатформаў праз ЕРІП застаецца даступным без зменаў па галіне «Банкаўскія, фінансавыя паслугі — лічбавыя платформы», — удакладняе фінустанова.

У «Паритетбанка» з 17 лістапада часова сталі недаступныя некаторыя аперацыі па картках і плацяжах, звязаных з крыптаплатформамі. Пры гэтым у ЕРІП часова знікла магчымасць аплаты праз галіну «Банкаўскія, фінансавыя паслугі — лічбавыя платформы», удакладняе фінустанова. «Разавыя плацяжы — пераводы ў адрас крыптаплатформаў з афіцыйнага пераліку таксама прыпынілі працу, — дадалі ў банку. — Гэтыя меры — часовыя».

У банкаматах «Белінвестбанка» з 11 лістапада немагчыма здзяйсняць некаторыя плацяжы. «У прыватнасці, прыпынены прыём плацяжоў праз сістэму «ЕРІП» у галіне «Банкаўскія, фінансавыя паслугі — банкі, НКФА, лічбавыя платформы і электронныя грошы», — паведамляе фінустанова.

«Банк Рашэнне» з 15 лістапада ўвёў абмежаванне на аплату карткамі на крыптаплатформах. «Таксама прыпынена магчымасць здзяйснення плацяжоў праз плацежную сістэму ў ЕРІП, у адрас аператараў крыптаплатформаў (галіна паслуг «Банкаўскія, фінансавыя паслугі — лічбавыя платформы»), — паведаміў банк.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]