Стала вядома яшчэ адна мэта, з якой Трамп накіраваў ва Украіну генералаў Пентагона
13- 19.11.2025, 14:45
- 17,596
На вайскоўцаў ускладзена важная місія.
Высокапастаўленая дэлегацыя Міністэрства вайны ЗША, якую накіраваў прэзідэнт Дональд Трамп для правядзення перамоў аб спыненні вайны Расіі супраць Украіны, таксама павінна абмеркаваць з Кіевам супрацоўніцтва ў ваенных тэхналогіях. Пра гэта піша Politico са спасылкай на інсайдэраў.
Politico нагадала, што амерыканскую дэлегацыю, якая прыбыла 19 лістапада ва Украіну, узначальвае міністр арміі Дэн Дрыскол. Разам з ім у Кіеў прыехаў начальнік штаба арміі ЗША генерал Рэнды Джордж.
Яны павінны правесці перамовы з прэзідэнтам Уладзімірам Зяленскім і іншымі ўкраінскімі афіцыйнымі асобамі, з прадстаўнікамі Узброеных сіл Украіны і прамысловасці.
Галоўная задача дэлегацыі Пентагона — пераканаць Зяленскага аднавіць перамовы з Расіяй аб заканчэнні вайны. Пазней амерыканскія высокапастаўленыя генералы плануюць сустрэцца з расійскімі прадстаўнікамі.
Але Дрыскол і Джордж таксама павінны абмеркаваць з украінскім бокам супрацоўніцтва ў ваенных тэхналогіях. ЗША і Украіна цяпер рыхтуюцца заключыць буйную здзелку аб абмене тэхналогіямі ў сферы беспілотных лятальных апаратаў і аўтаномных боепрыпасаў.
Украіна назапасіла вялікі досвед у стварэнні, вытворчасці і выкарыстанні дронаў. Амерыканцы хочуць супрацоўнічаць з Кіевам у гэтай сферы. Ва Украіне ў снежні 2025 года або на пачатку 2026 года плануюць запусціць у масавую вытворчасць новую айчынную далёкабойную крылатую ракету «Фламінга». Яе распрацавала ўкраінская кампанія Fire Point. Паводле некаторых паказчыкаў яна нават пераўзыходзіць амерыканскую крылатую ракету Tomahawk.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
