Спынены адзін з энергаблокаў БелАЭС

Яго будуць рамантаваць.

Другі энергаблок Беларускай АЭС выведзены з 13 лістапада на планава-папераджальны рамонт.

Пра гэта паведаміла прэс-служба Міністэрства энергетыкі краіны. Як удакладнена, такія рамонты штогод праводзяцца на атамных станцыях у адпаведнасці з устаноўленым рэгламентам для забеспячэння стабільнага працоўнага стану абсталявання.

У прыватнасці, у ходзе запланаваных мерапрыемстваў на энергаблоку № 2 будзе выканана планавое тэхнічнае абслугоўванне, дыягностыка і рамонт абсталявання і тэхналагічных сістэм. У тым ліку, напрыклад, будзе праведзены кантроль стану асноўнага металу і зварных злучэнняў абсталявання і трубаправодаў.

Таксама плануецца замяніць адпрацаванае ядзернае паліва на свежае. З гэтай мэтай у актыўную зону рэактара будзе загружана каля 25% цеплавыдзяляльных зборак са свежым ядзерным палівам.

Працы, як паведамілі ў ведамстве, будуць праводзіцца сіламі персаналу Беларускай АЭС, а таксама прыцягнутымі работнікамі беларускіх і расійскіх арганізацый.

Нагадаем, што другі энергаблок Беларускай АЭС быў уведзены ў прамысловую эксплуатацыю 1 лістапада 2023 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]