У Харватыі гадзюка ўкусіла п'янага мужчыну і памерла ад узроўню алкаголю ў яго крыві
22- 6.10.2025, 20:04
- 24,854
Пры гэтым яд змяі не аказаў ніякага ўплыву на самога мужчыну.
У Харватыі гадзюка ўкусіла п'янага мужчыну і памерла ад узроўню алкаголю ў яго крыві, піша News Bar.
Інцыдэнт адбыўся, калі 42-гадовы Штэф Радуліч, закончыўшы дзелавую сустрэчу, вырашыў крыху прагуляцца па наваколлях. Паводле слоў мужчыны, падчас прагулкі ён выпадкова падышоў занадта блізка да гадзюкі, якая, адчуўшы пагрозу, укусіла яго за нагу.
«Я адчуў востры боль і адразу зразумеў, што гэта была змяя. Ужо хацеў бегчы да лекара, але заўважыў, што з ёй нешта не так — вочы напалову закрытыя, хістаецца, двойчы ўдарылася галавой аб дрэва», — расказаў харват.
Пакуль мужчына спрабаваў аказаць дапамогу рэптыліі і даставіць яе ў пункт неадкладнай дапамогі, змяя памерла. Ветэрынарная экспертыза паказала, што ўзровень алкаголю ў яе крыві склаў 5,1 г/кг.
«Мясцовыя гадзюкі проста не прыстасаваныя да такой канцэнтрацыі алкаголю ў крыві сваёй «здабычы». Асабліва а другой гадзіне дня. Гэта проста несумяшчальна з жыццём», — пракаментаваў доктар Мате Дрніч.
Пры гэтым яд змяі не аказаў ніякага ўплыву на самога Штэфа. Медыкі лічаць, што алкаголь у яго крыві нейтралізаваў таксін, што, магчыма, і ўратавала яму жыццё.
«Цяпер прашу лекара даслаць мне факс з афіцыйным пацвярджэннем, што алкаголь уратаваў мне жыццё — каб нарэшце прымусіць жонку замаўчаць», — жартуе Штэф.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
