У Аўстраліі разбіўся самалёт
2- 12.10.2025, 1:12
- 4,208
Тры чалавекі загінулі.
Авіякатастрофа адбылася падчас узлёту ў аэрапорце Шэллхарбор непадалёк ад Вуллонгонга.
Раніцай 11 кастрычніка непадалёк ад горада Вуллонгонг (штат Новы Паўднёвы Уэльс, Аўстралія) разбіўся лёгкі прыватны самалёт падчас узлёту з аэрапорта Шэллхарбор. Пра гэта паведаміла The Guardian.
На борце знаходзіліся тры чалавекі — усе яны загінулі.
Паводле папярэдніх звестак паліцыі, паветранае судна накіроўвалася ў Баларат. Неўзабаве пасля ўзлёту яно ўпала і загарэлася.
A light aircraft has crashed in Australia, with fatalities.
The incident occurred at Shellharbour Airport near Wollongong, New South Wales. Three people were killed in the crash. The plane took off around 10:00 a.m. local time and crashed almost immediately, bursting into… pic.twitter.com/cTuyDVuQg4
— Pisklauren (@pisklauren) October 11, 2025
Аварыя адбылася падчас Дня адкрытых дзвярэй аэрапорта, які праводзіўся сумесна з мясцовым авіяцыйным музеем. Хоць палёт самалёта не быў часткай мерапрыемства, яго наведвальнікі сталі сведкамі інцыдэнту.
На месцы здарэння аператыўна працавалі выратавальнікі і добраахвотнікі пажарнай аховы RFS, якія праводзілі вучэнні паблізу. Аднак, паводле слоў прадстаўніка службы Эндру Барбэра, з-за моцнага ўзгарання выратаваць людзей не ўдалося.
Галоўны інспектар паліцыі акругі Лэйк-Іллаварра Аарон Вундэрліх назваў падзею «вельмі трагічнай» і адзначыў, што асобы загінулых пакуль не ўстаноўлены.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
