Турэцкія банкі масава блакуюць аплаты з Расеі ў Еўропу
- 18.09.2024, 10:24
- 2,374
Баяцца санкцый.
Банкі Турцыі пачалі масава адмаўляць расейскім кампаніям у правядзенні аплат у Еўразвяз і іншыя краіны, распавялі «Ведомостям» тры крыніцы з ліку імпарцёраў і пасярэднікаў.
З іх слоў, у мінулы раз такая сітуацыя назіралася ў пачатку года, калі турэцкія банкі, як і крэдытныя арганізацыі іншых «дружалюбных» краін, сталі баяцца другасных санкцый ЗША за працу з расейскімі кампаніямі. Аднак паступова транзакцыі аднавіліся.
Улетку праблемы з транзітнымі аплатамі праз Турцыю з'явіліся зноў. Еўрапейскія банкі час ад часу сталі адмаўляцца прымаць у турэцкіх аплату за тавары на карысць пастаўшчыкоў расейскага бізнэсу, кажа адзін з імпарцёраў. Іншы суразмоўца выдання пацвярджае гэта: пры спробе заплаціць за тавар праз Турцыю пастаўшчык з Балгарыі папрасіў яго перавесці грошы праз «нармальную» краіну.
Узмацненне жорсткасці з боку еўрапейскіх крэдытных арганізацый прывяло да таго, што ў пачатку верасня ўжо турэцкія банкі сталі адмаўляць у правядзенні транзітных аплат, кажа крыніца «Ведомостей». З яе слоў, нават перадача банку дадатковых дакументаў па пастаўцы не развязвае праблему.
У Турцыі, як правіла, заўсёды былі 2-3 банкі, якія ахвотна праводзілі аплаты за расейскія тавары ў іншыя краіны, але ў апошні час ускладнілася праца нават з імі, пацвярджае партнёр юрфірмы FTL Advisers Ігар Кузнец. З яго слоў, у асноўным складанасці ўзнікаюць пры аплаце ў далярах і еўрах, але таксама з цяжкасцю сталі праходзіць аплаты ў юанях.
Прычына можа быць у тым, што турэцкія банкі пачалі больш баяцца санкцый або іх банкі-карэспандэнты зараз выстаўляюць падвышаныя патрабаванні да выплат з Турцыі, адзначыў Кузнец.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
