Польскія памежнікі паказалі, як ставяць электронны бар'ер над ракой Буг

Бар'ер будзе ахопліваць усю тэрыторыю памежнай ракі.

Польшча ставіць электронны бар'ер на рацэ Буг, па якой праходзіць мяжа з Беларуссю. Працы адбываюцца цяпер на тэрыторыі Уладаўскага павета, паведамляюць у памежнай службе Польшчы.

Для ўзвядзення бар'ера падрыхтоўваюць бераг ракі. Тэрыторыю чысцяць ад дрэваў і хмызнякоў. На падрыхтаваным адрэзку ставяць слупы, на якіх размесцяць камеры і сістэму электразабеспячэння.

На 172 кіламетрах мяжы плануецца паставіць 1800 слупоў для камераў, 4500 камераў дзённага і начнога, а таксама цеплавізійнага назірання і спецыяльныя датчыкі. Электронны бар'ер далучаць да ўжо наяўнай сістэмы назірання за мяжой. Цэнтр назірання за бар'ерам будзе размешчаны ў горадзе Хелме.

У памежнай службе гавораць, што бар'ер будзе ахопліваць усю тэрыторыю памежнай ракі – без дапушчэння мёртвых зонаў. Гэты праект фінансуецца Еўразвязам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]