10 самых папулярных фільмаў на Netflix
4- 13.09.2024, 20:02
- 13,732
Іх хочацца пераглядаць ізноў і зноў.
«24 канал» сабраў спіс самых папулярных фільмаў на Netflix за апошні тыдзень. У гэтым спісе вы знойдзеце разнажанравыя стужкі, якія несумненна варта паглядзець.
Ад класічных прэм'ераў да найноўшых рэлізаў – кожны фільм быў абраны на аснове папулярнасці і водгукаў гледачоў:
«Рэбел-Рыдж»
Былы марскі пяхотнік, адданы брат і сапраўдны змагар за справядлівасць, сутыкаецца з цяжкасцямі, калі спрабуе ўнесці залог за свайго брата. Пасля таго як грошы, прызначаныя для гэтага, трапляюць у рукі карумпаваных паліцыянтаў, сітуацыя робіцца яшчэ горшай, чым ён мог уявіць.
Неўзабаве ён усведамляе, што ягонае дужанне за справядлівасць толькі пачынаецца. Уступаючы ў бой з карупцыяй, якая працінае невялікае мястэчка, былы марпех выпраўляецца на шлях расследаванняў і супрацьстаянняў, каб аднавіць справядлівасць і пакараць вінаватых. Ягоная барацьба становіцца не толькі асабістай місіяй, але і спробай ачысціць сістэму ад карупцыі, якая падрывае асновы грамадства.
«Смак свабоды»
Маладая і таленавітая дзяўчына-кухарка, якая толькі што страціла працу таму, што яе вытанчаная кухня не знайшла попыту ў сціплай прыдарожнай кавярні, выпраўляецца ў Львоў. Яе мэта – нарэшце рэалізаваць сваю мару і стаць шэф-кухаркай у прэстыжным рэстаране еўрапейскай кухні.
Але лёс рыхтуе для яе нечаканы паварот. У адной з ільвоўскіх антыкварных крамаў яна выпадкова натыкаецца на ўнікальную кнігу, якая з'яўляецца часткай забытай спадчыны ўкраінскай кухні Вольгі Франко. Гэтая знаходка адкрывае ёй новы свет і дорыць незабыўныя рэцэпты і таямніцы традыцыйнай кухні, што мяняе яе жыццё і кар'еру назаўжды.
«Хаўрус»
Звычайны будаўнік, які вядзе спакойнае і мернае жыццё, нечакана апынаецца ў цэнтры падзей, калі да яго звяртаецца ягонае школьнае каханне з просьбай дапамогі. Але не ўсё так проста, як падаецца на першы погляд. Высвятляецца, дзяўчына, якую ён калісьці кахаў, цяпер звязаная з небяспечным светам шпіянажу.
Будаўнік, не маючы ніякага досведу ў гэтай вобласці, змушаны акунуцца ў складаныя і заблытаныя інтрыгі, дзе на кожным кроку яго падцікоўваюць здрады, небяспека і смяротныя таямніцы. Калі старыя пачуцці пачынаюць абуджацца, ён сутыкаецца з дылемай: як захаваць уласнае жыццё і дапамагчы той, хто звярнулася да яго з такой рызыкоўнай місіяй?
Выпадковы герой, ён вучыцца выжываць у новым для сябе свеце, дзе кожная памылка можа каштаваць жыцця.
У спісе самых папулярных фільмаў вы знойдзеце не толькі навінкі, але і іншыя высокарэйтынгавыя стужкі, якія ўражваюць разнастайнасцю жанраў і тэмаў.
– «Двайнік»
– «Грукат у дзверы»
– «Навічкі»
– «Кейт і Леа»
– «Кот у ботах 2: Апошняе жаданне»
– «Прышэлец Павел»
– «Непакорны»
Гэтыя фільмы ўжо атрымалі прызнанне гледачоў і крытыкаў, таму яны сапраўды заслугоўваюць таго, каб стаць вашымі новымі фаварытамі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
