Украіна вярнула з палону яшчэ 49 вайскоўцаў

Абаронцы «Азоўсталі» і не толькі.

13 верасня прайшоў чарговы абмен палоннымі паміж Украінай і Расеяй. Удалося вярнуць 49 вайскоўцаў, сярод якіх і абаронцы "Азоўсталі".

Пра гэта паведамляе РБК-Украіна са спасылкай на Telegram прэзідэнта Украіны Уладзіміра Зяленскага.

«49 украінцаў і ўкраінак дома. Гэта ваяры Узброеных Сіл Украіны, Нацыянальнай гвардыі, Нацыянальнай паліцыі, Дзяржаўнай памежнай службы, а таксама нашыя цывільныя людзі», - распавёў ён.

Са звестак прэзідэнта, сярод іх і Ленія Умерава - дзяўчына, якую расейцы захапілі ў закладнікі, калі яна прыехала клапаціцца пра хворага бацьку.

«Таксама ўдалося вызваліць яшчэ частку абаронцаў «Азоўсталі». Дома і Герой Украіны, вайсковы медык Віктар Іўчук», - дадаў Зяленскі.

Як расказаў амбудсмен Дзмітрый Лубінец, стан здароўя тых, хто вярнуўся з палону, вельмі цяжкі, многія страцілі дзясяткі кілаграмаў вагі.

Усяго з пачатку поўнамаштабнага ўварвання дадому з палону вярнуліся 3569 украінцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]