Лукашэнка яшчэ больш падагрэў чуткі пра сваю хваробу

Фота гелікаптэра ёсць, а «інспектара» - няма.

Амаль праз тры тыдні пасля разбуральнага ўрагану дыктатар усё ж наведаў Мазырскі раён. «Салідарнасць» тады зрабіла здагадку, што такая паўза была вымушанай з-за магчымых праблем са здароўем.

У той паездцы Лукашэнка падкрэсліў, што паміраць ён "не збіраецца", але пры гэтым прызнаўся аб праблемах з нагой:

- Ну часам накульгваю, нага баліць. Не могуць мне сустаў адрамантаваць. Ну, я думаю, для прэзідэнта гэта не так страшна: дзе не пройдзеш, там праедзеш.

Але, відаць, нехта падумаў, што аднаго Мазыра будзе недастаткова для дэманстрацыі працаздольнасці. Як паведамляе прэс-служба Лукашэнкі, 4 жніўня ён праінспектаваў Гомельскую і Менскую вобласці.

Праўда, зрабіў гэта, не выходзячы з гелікаптэра. Цікава, што ў гэты раз сам дыктатар не патрапіў у кадр — афіцыёз апублікаваў толькі відэа і фота пралёта гелікаптэра, але традыцыйнага здымка «інспектара», які глядзіць у ілюмінатар пакуль не з'явілася.

Выклікае пытанні і сама якасць такой інспекцыі. Як сцвярджае прэс-служба, у нядзелю Лукашэнка «вывучыў сітуацыю і з вышыні, калі ўсё як на далоні». У тым ліку «ацаніў ход жніва, стан меліяраваных земляў і працу прадпрыемства «Слаўкалій».

Як усё гэта можна зрабіць з салона гелікаптэра і што гэта, як не паказуха? Рытарычнае пытанне, якому ўжо не адзін дзясятак гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]