ЗША размясцілі стратэгічныя бамбавікі на мяжы з Украінай
3- 22.07.2024, 15:32
- 7,406
Яны будуць удзельнічаць у аперацыі Bomber Task Force Europe.
Злучаныя Штаты размясцілі два міжкантынентальныя стратэгічныя бамбавікі B-52 Stratofortress на 57-й авіябазе ВПС Румыніі імя Міхаіла Кагэлнічану. Яны будуць удзельнічаць у аперацыі Bomber Task Force Europe.
Пра гэта паведамляе РБК-Украіна са спасылкай на прэс-службу Вайсковых паветраных сіл ЗША у Еўропе.
На новым месцы яны будуць дзейнічаць у складзе 20-й экспедыцыйнай бамбавальнай эскадрыллі ВПС ЗША, а таксама пачнуць узаемадзейнічаць з сіламі NАТО.
Пры прыбыцці на авіябазу Міхаіл Кагэлнічану, самалёты B-52 у суправаджэнні знішчальнікаў з Румыніі і Фінляндыі правялі супольны палёт. У рамках разгортвання яны будуць дзейнічаць як 20-я экспедыцыйная бамбавальная эскадрылля, інтэгруючыся з NАТО і іншымі міжнароднымі партнёрамі для паляпшэння бяспекі ў зоне адказнасці Еўрапейскага камандавання ВС ЗША.
Гэта першы выпадак, калі амерыканскія стратэгічныя бамбавікі дзейнічаюць у Румыніі.
“Ва ўмовах глабальнай нестабільнасці важна падтрымліваць устойлівыя магчымасці на вялікіх дыстанцыях. Гэтая аперацыя дазваляе ўдасканаліць тактыку і ўзаемадзеянне нашых войскаў”, - адзначыў генерал Джэймс Хекер, камандуючы USAFE-AFAFRICA.
ЗША актыўна падтрымліваюць супольнікаў з NАТО праз місіі BTF, што дазваляе USAFE-AFAFRICA эфектыўна прымяняць сілы ў Еўропе, ствараючы стратэгічную ўпэўненасць і стрымліваючы патэнцыйных супраціўнікаў.
"Мы будзем працаваць з саюзнікамі на ўсходнім флангу для гарантавання бяспекі і стабільнасці ў рэгіёне", - адзначыў Хекер.
Разгортванне амерыканскіх стратэгічных бамбавікоў дэманструе гатоўнасць ЗША і NАТО да каардынацыі і абароны Паўночнаатлантычнага звязу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
